Yohanes 6:22 - Biblia alo Ŋɔŋlɔ Kɔkɔe La Le Eʋegbe Me 1913

²² Esi ŋu ke, eye ameha la le tsitre le ƒu la ƒe go keme dzi la, wokpɔ bena, ʋu bubua ɖeke megale afima o, negbe ɖeka ko, eye bena Yesu meɖo ʋua kple eƒe nusrɔ̃lawo o, ke boŋ eƒe nusrɔ̃lawo ɖeɖekoe yi, —

Agbenya La

²² Esi ŋu ke la, ameha si nɔ tsitre ɖe ƒu la ƒe go kemɛ dzi la de dzesii be ʋu ɖeka koe nɔ afi ma. Wokpɔ hã be, Yesu meɖo ʋu la kple eƒe nusrɔ̃lawo o, ke boŋ woawo ɖeɖe koe yi.

Yohanes 6:22 Mawu Ofanana

Mateo 14:22

Eye Yesu ƒoe ɖe nusrɔ̃lawo nu enumake bena, woaɖo nu adze ye ŋgɔ ayi go keme dzi, vaseɖe esime yeaɖe asi le amehawo ŋu.

Marko 6:45

Eye enumake wòƒoe ɖe eƒe nusrɔ̃lawo nu be, woaɖo ʋu, ne wòadze ye ŋgɔ ayi go keme dzi ɖe Betsaida, vaseɖe esime ye ŋutɔ yeaɖe asi le ameha la ŋu.

Yohanes 6:2

Eye ameha gãa ɖe dze eyome, elabena wokpɔ dzesi, siwo wòwɔ na dɔlélawo.