Yohanes 17:17 - Biblia alo Ŋɔŋlɔ Kɔkɔe La Le Eʋegbe Me 1913

¹⁷ Wɔ wo kɔkɔe le nyateƒe la me, wò nya la enye nyateƒe?

Agbenya La

¹⁷ Kɔ wo ŋu kple nyateƒe la, elabena wò nya la nye nyateƒe.

Yohanes 17:17 Mawu Ofanana

2 Samuel 7:28

Azɔ Aƒetɔ Yehowa, wòe nye Mawu, eye wò nyawo nye nyateƒe, eye nègblɔ nya nyui sia na wò dɔla.

Psalmowo 119:104

Wò sewo na medze nunya, eyata melé fu aʋatsomɔwo katã.

Psalmowo 119:11

Meɣla wò nyawo ɖe nye dzi me, ne nyemagawɔ nuvɔ̃ ɖe ŋuwò o.

Psalmowo 119:144

Wò ɖaseɖiɖiwo le dzɔdzɔe tegbee; fia nunyam, ne manɔ agbe.

Psalmowo 119:160

Wò nya ƒe taƒoƒo enye nyateƒe, eye wò ɖoɖo dzɔdzɔeawo li tegbee.

Psalmowo 119:9

Aleke ɖekakpui alẽ eƒe mɔ atsɔ fɔɖiɖi manɔmee? Ne elé ŋku ɖe eɖokui ŋu ɖe wò nya la nu.

Psalmowo 12:6

Yehowa be: Metso azɔ le ŋutasesẽ le hiãtɔwo ŋu kple ame dahewo ƒe hũɖeɖe ta, eye mahe xɔname vɛ na amesi le eyome dim la.

Luka 8:11

Ke lo lae nye esi: Nuku la enye Mawu ƒe nya.

Luka 8:15

Eye esi le anyigba nyui la me la, woawo nye amesiwo se nya la kple dzi nyui, si dza, eye wòlé eme ɖe asi sesĩe, eye wotsena le dzigbɔɖanyi me.

Yohanes 15:3

Mia ŋuti kɔ xoxo le nya, si megblɔ na mi la ta.

Yohanes 17:19

Mewo ɖokuinye kɔkɔe ɖe wo ta, bena woawo hã woazu ame kɔkɔewo le nyateƒe la me.

Yohanes 8:32

eye miadze si nyateƒe la, eye nyateƒe la lawɔ mi ablɔɖeviwoe.

Yohanes 8:40

Ke azɔ la miedi be, yewoawum, nye amesi gblɔ nyateƒe, si mese tso Mawu gbɔ la, na mi; Abraham mewɔ esia o.

Dɔwɔwɔwo 15:9

eye mede vovoa ɖeke mía kpli wo dome o, le esime wòklɔ woƒe dziwo me to xɔse me.

2 Korintotɔwo 3:18

Ke mí katã mietso ŋku, si wometsyɔ nui o la, kpɔ Aƒetɔ la ƒe ŋutikɔkɔe abe ahũhɔ̃e me ene, eye wotrɔa míaƒe nɔnɔme ɖe nɔnɔme ma ke me tso ŋutikɔkɔe me yi ɖe ŋutikɔkɔe me, abe alesi wòtso Gbɔgbɔ ƒe Aƒetɔ la gbɔ ene.

Efesotɔwo 4:21

nenye ɖe miese eŋkɔ, eye wofia nu mi le eme, alesi nyateƒe la le Yesu me;

Efesotɔwo 5:26

bene yeakɔ eŋu, esime wòklɔ eŋuti to tsilele me le nya la me megbe la,

2 Tesalonikatɔwo 2:13

Ke ele na mí be, míada akpe na Mawu ɖaasi le mia ta, nɔvi, siwo Aƒetɔ la lɔ̃na, bena Mawu Mia mi tso gɔmedzedzea me hena xɔxɔ le Gbɔgbɔ ƒe kɔkɔewɔwɔ kple nyateƒe dzixɔse la me,

Yakobo 1:21

Eyata miɖe ɖiƒoƒo katã kple vɔɖinyenye geɖe fũ la ɖi, eye mitsɔ dɔmefafa xɔ nya, si wodo ɖe mia me, si ate ŋu aɖe mia luʋɔwo la.