Yoel 3:5 - Biblia alo Ŋɔŋlɔ Kɔkɔe La Le Eʋegbe Me 1913

⁵ Eye woava me be, woaɖe amesiame, si ayɔ Yehowa ŋkɔ la; elabena xɔname anɔ Zion-to la dzi kple Yerusalem kpakple ame mamlea, siwo Yehowa ayɔ la dome, abe alesi Yehowa do eŋugbee ene.

Agbenya La

⁵ “Mieva lɔ nye klosalo kple sika kple nye kesinɔnu veviwo tsɔ yi ɖe miaƒe trɔ̃wo ƒe xɔwo mee.

Yoel 3:5 Mawu Ofanana

2 Fiawo 12:18

Ɣemaɣi Aram-fia Xazael ho va wɔ aʋa kple Gat, eye wòxɔe, eye Xazael ɖo be, yeaho ɖe Yerusalem ŋuti.

2 Fiawo 16:8

Eye Axaz tso klosalo kple sika, si le Yehowa ƒe aƒe kple fia ƒe aƒe fe nudzraɖoƒe la, wo nunanae ɖo ɖe Asur-fia.

2 Fiawo 24:13

Eye wòlɔ Yehowa ƒe me kesinɔnuwo katã kple fia ƒe me kesinɔnuwo katã tso afima, eye wògbã sikanu, siwo katã Israel-fia Salomo wɔ ɖe Yehowa ƒe xɔ la me, abe alesi Yehowa gblɔ ene.

Yesaya 11:11

Eye woava me le ɣemaɣi be, Aƒetɔ la ado eƒe asi ɖa zi evelia, ne wòaxɔ eƒe dukɔ mamlea, si kpɔtɔ ɖi la, aƒle tso Asur, Egipte, Patros, Kus, Elam, Sinear, Xamat kple atsiaƒu me ƒukpowo dzi.

Yeremia 23:7

Yehowa be: Eyata kpɔ ɖa, ŋkekewo li gbɔna, esi womagagblɔ azɔ be, yewota Yehowa, amesi kple Israel-viwo tso Egipte-nyigba dzi la ƒe agbe o,

Yeremia 50:28

Miƒu to anyi! Sisilawo kple amesiwo kpɔtɔ tso Babel-nyigba dzi va, be woaɖe gbe ƒã Yehowa, mía Mawu ƒe hlɔ̃biabia, eƒe hlɔ̃biabia ɖe eƒe gbedoxɔ nu le Zion!

Yeremia 51:11

Minyre aŋutrɔwo, mikpla akpoxɔnuwo! Yehowa nyɔ Media-fiawo ƒe gbɔgbɔ, eye wode adaŋu ɖe Babel ŋu, be woagblẽe; elabena Yehowa ƒe hlɔ̃biabiae, hlɔ̃biabia ɖe eƒe gbedoxɔ nue.

Hezekiel 37:12

Eyata gblɔ nya ɖi nagblɔ na wo bena: Ale Aƒetɔ Yehowa gblɔ esi: Nye dukɔ, kpɔ ɖa, mele miaƒe yɔdowo ʋu ge, mana miado atso miaƒe yɔdowo me, eye makplɔ mi ayi miaƒe anyigba dzi.

Daniel 11:38

Asuhɔ mawu, si le mɔ sesẽwo me la, ɖe wo teƒe, eye wòatsɔ sika kple klosalo, kpe xɔesiwo kple nu veviwo asubɔ mawu, si fofoawo menya o.

Obadia 1:17

Ke xɔname anɔ Zion-to dzi, anye kɔkɔeƒe, eye Yakob ƒe aƒe la axɔ woƒe domenyinu.