Yeremia 27:4 - Biblia alo Ŋɔŋlɔ Kɔkɔe La Le Eʋegbe Me 1913

⁴ Eye nade gbe wo si aɖo ɖe woƒe aƒetɔwo bena: Yehowa Zebaot, Israel ƒe Mawu la be: Ale miagblɔ na miaƒe aƒetɔwo enye si:

Agbenya La

⁴ Ɖo gbedeasi ɖe woƒe amegãwo, eye nàgblɔ be, ‘Ale Yehowa, Dziƒoʋakɔwo ƒe Aƒetɔ, Israel ƒe Mawu la gblɔe nye esi: “Migblɔ na miaƒe amegãwo be,

Yeremia 27:4 Mawu Ofanana

Yeremia 51:19

Ke Yakob ƒe gome mele abe woamawo ene o, elabena eyama nye nuwo katã wɔla, eye Israel enye eya ŋutɔ ƒe ƒome; Yehowa Zebaot enye eƒe ŋkɔ.

Yeremia 25:27

Eye nagblɔ na wo bena: Ale Yehowa Zebaot, Israel ƒe Mawu la, gblɔ esi: Mino aha miamu, eye miɖe xe, midze anyi, eye migafɔ o, le yi, si maɖo ɖe mia dome la ta.

Yeremia 10:16

Ke Yakob ƒe gome mele abe woamawo ene o, elabena eya nye nuwo katã wɔla, eye Israel enye eya ŋutɔ ƒe ƒome; Yehowa Zebaot enye eƒe ŋkɔ.

Yeremia 10:10

Ke Yehowa enye Mawu vava; eyae nye Mawu gbagbe kple fia mavɔ; anyigba ʋuʋu le eƒe dɔmedzoe nu, eye eƒe dziku menya le tsɔtsɔm na dukɔwo o.

2 Mose 5:1

Emegbe Mose kple Aron woyi dagblɔ na Farao bena: Ale Yehowa. Israel ƒe Mawu la, gblɔ esi. Ɖe asi le nye dukɔ la ŋuti, bena wòayi aɖaɖu ŋkekenyuie nam le gbedzi!

Yeremia 27:3

Eye natsɔe de dɔla, siwo va Yuda-fia Zedekiya gbɔ le Yerusalem la si aɖo ɖe Edom-fia, Moab-fia, Amon-viwo ƒe fia, Tiro-fia kple Sidon-fia.

Yeremia 27:5

Nyee tso nye ŋusẽ gã kple nye alo, si le dzi la, wo anyigba, amegbetɔwo kple lãwo, siwo le anyigba dzi, eye amesi dze ŋunye la, metsɔnɛ na.

Yeremia 28:14

Elabena ale Yehowa Zebaot, Israel ƒe Mawu la, gblɔ esi: Gakɔkuti metsɔ de kɔ na dukɔ siawo katã, ne woanye Babel-fia Nebukadnezar te viwo, eye woasubɔe; gbemelãwo hãe metsɔ de asi nɛ.