Tito 3:12 - Biblia alo Ŋɔŋlɔ Kɔkɔe La Le Eʋegbe Me 1913

¹² Ne medɔ Artema alo Tixiko de gbɔwò la, do vevie be, nava gbɔnye le Nikopoli; elabena meɖoe bena, manɔ afima le vuvɔŋɔli.

Agbenya La

¹² Mele eɖom be maɖo Artema alo Tikiko ɖe wò. Ne wo dometɔ ɖeka va ɖo la, dze agbagba nàdo gom le Nikopoli kaba abe ale si nàte ŋui ene, elabena meɖo be manɔ afi ma le vuvɔŋɔli la me.

Tito 3:12 Mawu Ofanana

Dɔwɔwɔwo 20:4

Eye amesiwo ɖoe ɖa vaseɖe Asia la, woawo nye: Sopatre, Piro, Beroiatɔ la ƒe vi, Aristarxo kple Sekundo tso Tesalonika; Gayo, Derbetɔ, kple Timoteo; Tixiko kple Trofimo tso Asia.

1 Korintotɔwo 16:6

Ɖewo matsi mia gbɔ ʋee, alo ɖewo mana anyi, halase esime vuvɔŋɔli nu nayi mahĩ, bene miaɖom ɖa ayi afisiafi, si mayi ɖo la.

Efesotɔwo 6:21

Ke bene miawo hã mianya alesi mele kple nusi wɔm mele la, mia nuvi lɔlɔ̃tɔ Tixiko, amesi nye subɔla nuteƒewɔla le Aƒetɔ me la, ana mianya nuwo katã;

Kolosetɔwo 4:7

Nusiwo katã va dzo ɖe dzinye la, Tixiko, nɔvi lɔlɔ̃tɔ kple subɔla nuteƒewɔla kpakple hadɔwɔla le Aƒetɔ me la, ana mianyae,

2 Timoteo 4:12

Ke Tixiko ta meɖoe ɖe Efeso.

2 Timoteo 4:21

Do vevie be, nava, hafi ne vuvɔŋɔli naɖo. Eubulo kple Pude kple Lino kple Klaudia kpakple nɔviwo katã ɖuɖɔ wò ƒã.

2 Timoteo 4:9

Do vevie be, nava gbɔnye kaba.