Psalmowo 81:3 - Biblia alo Ŋɔŋlɔ Kɔkɔe La Le Eʋegbe Me 1913

³ Mixe ha, mina axatsɛwo, gakasaŋku kple saŋku viviwo naɖi!

Agbenya La

³ Miku lãdzokpẽwo le Dzinu Yeye dzi kple ne dzinu sɔ tegblẽe le míaƒe ŋkekenyuiɖugbe.

Psalmowo 81:3 Mawu Ofanana

2 Fiawo 4:23

Eye wògblɔ bena: Nukata nèbe, yeayi ɖo, egbe mehenye dzinu yeye alo dzudzɔgbe oa? Eɖo ŋu bena: Enyo!

1 Kronika 15:16

Eye Dawid gblɔ na Lewi-viwo ƒe amegãwo be, woaɖe wo nɔvi, siwo nye hadzilawo, ne woatsɔ hadzinuawo, siwo nye: saŋkuwo, kasaŋkuwo kple gakogoewo, eye woana dzidzɔha nade dzi.

1 Kronika 15:19

Hadzilawo Heman, Asaf kple Etan, woawoe ƒoa akɔbligakogoe la sesĩe,

1 Kronika 15:24

Sebanya, Yosafat, Netaneel, Amasai, Zaxarya, Benaya kple Eliezer wonye nunɔlawo, amesiwo kua kpẽ le Mawu ƒe aɖaka la ŋgɔ, eye Obed-Edom kple Yexiya wonye agbonudzɔlawo le aɖaka la gbɔ.

1 Kronika 16:42

Wotsɔ kpẽwo, gakogoewo kple Mawu ƒe hadzinuawo na wo hena kpẽkulawo. Eye Yedutun viwo nye agbonudzɔlawo.

1 Kronika 16:6

eye nunɔla Benaya kple Yexaziel wotsɔa kpẽwo nɔa Mawu ƒe nubablaɖaka la ŋgɔ ɖaa.

1 Kronika 25:1

Eye Dawid kple aʋakɔ la ƒe amegãwo ɖa Asaf viwo, Heman viwo kple Yedutun viwo, amesiwo ƒoa kasaŋku, saŋku kple gakogoe la, hena woƒe subɔsubɔdɔ. Dɔwɔla, siwo asubɔ la ƒe xexlẽme enye si:

2 Kronika 13:12

Kpɔ ɖa, Mawu kple eƒe nunɔlawo le mía nu, eye aseyetsokpẽawo li, be woaku ɖe mia ŋu Israel-viwo, migawɔ aʋa kple Yehowa, mia fofowo ƒe Mawu la o, elabena madze edzi na mi o!

2 Kronika 13:14

Eye esi Yuda trɔ la, kpɔ ɖa, wodze aʋa ɖe eŋu le ŋgɔ kple megbe siaa. Tete wodo ɣli yɔ Yehowa, nunɔlawo le kpẽawo kum,

2 Kronika 2:4

Xɔ, si mebe, matu la, lolo, elabena mia Mawu la lolo wu mawuwo katã.

2 Kronika 5:12

eye Lewi-viwo, siwo nye hadzilawo katã, Asaf, Heman, Yedutun kple wo viwo kpakple wo nɔviwo do aklalawu, wolé gakogoe, saŋku kple kasaŋku ɖe asi, eye wotsi tre ɖe vɔsamlekpui la ƒe ɣedzeƒe gome, eye nunɔla alafa ɖeka kple blave le kpẽ kum le wo gbɔ,

2 Kronika 8:13

eye wosa vɔ le ŋkeke sia ŋkeke ƒe kɔa nu, le dzudzɔgbewo, dzinu yeyewo kple ŋkekenyuiewo dzi, zi etɔ̃ le ƒe ɖeka me, le abolo maʋamaʋã ŋkekenyuiewo, le kwasiɖawo ŋkekenyuiewo kple agbadɔŋkekenyuiewo dzi le Mose ƒe se la nu.

Psalmowo 149:3

Woatsɔ ɣeɖuɖu akafu eƒe ŋkɔ, eye woafsɔ asiʋui kple kasaŋku aƒo ha nɛ!

Psalmowo 33:2

Mikafu Yehowa kple kasaŋkuwo, eye miƒo saŋku ka ewo tɔ nɛ!

Psalmowo 98:6

ɖe dze kple kpẽ ƒe ɖiɖi ŋu! Mitso aseye le Yehowa, fia la ŋku me!

Konyifahawo 2:6

Eka kpɔ le eŋu abe le abɔ ŋu ene, eye wògblẽ eƒe takpeƒe. Yehowa na woŋlɔ ŋkekenyuie kple dzudzɔgbe be le Zion, eye wòdo vlo fia kple nunɔla le eƒe dɔmedzoe heliheli me.

4 Mose 15:3

eye mieɖe adzɔgbe alo na nu le mia ɖokui si alo le ŋkekenyuie ɖum hehe, yewoatsɔ nyi alo alé asa dzovɔ na Yehowa, eɖanye numevɔ alo akpedavɔ o, bena wòaʋẽ lilili ɖe Yehowa la,

4 Mose 28:11

Gbesigbe ɣleti dze dzi la, miatsɔ nyitsuvi eve, agbo ɖeka kple alẽvi adre, siwo sɔ blibo, eye woxɔ ƒe ɖekaɖeka la, asa numevɔ na Yehowa.

5 Mose 16:15

Ŋkeke adre sɔŋ naɖu ŋkekenyuie na Yehowa, wò Mawu la le teƒe, si Yehowa atia, elabena Yehowa, wò Mawu la, ayra wò le nusiwo katã nèwɔ dɔ kpɔ, kple wò asinudɔwo katã me, eye nakpɔ dzidzɔ wòatso me.

Kolosetɔwo 2:16

Eyata migana amea ɖeke nadrɔ̃ ʋɔnu mi le nuɖuɖu alo nunono ŋuti alo le ŋkekenyuie alo ɣletidzedzi alo Sabat la gome o.