Psalmowo 71:17 - Biblia alo Ŋɔŋlɔ Kɔkɔe La Le Eʋegbe Me 1913

¹⁷ Mawu, èfia num tso nye ɖevime ke, eye meɖe gbe ƒã wò nukunuwo vaseɖe fifi.

Agbenya La

¹⁷ O! Mawu; tso nye ɖekakpuime ke, nèfia num, eye va se ɖe egbe la, mele gbeƒã ɖem wò nu dzɔatsuwo.

Psalmowo 71:17 Mawu Ofanana

2 Samuel 4:9

Tete Dawid ɖo ŋu na Rexab kple nɔvia Baana, amesiwo nye Beerottɔ Rimon viwo, gblɔ na wo bena: Meta Yehowa, si ɖe nye agbe tso hiãwo katã me la, ƒe agbe:

Psalmowo 119:102

Nyemete ɖa le wò ɖoɖowo ŋu o, elabena wòe fia num.

Psalmowo 119:9

Aleke ɖekakpui alẽ eƒe mɔ atsɔ fɔɖiɖi manɔmee? Ne elé ŋku ɖe eɖokui ŋu ɖe wò nya la nu.

Psalmowo 26:7

ahana kafukafuha naɖi, eye maxlẽ wò nukunuwo katã afia.

Psalmowo 66:16

Mi mawuvɔ̃lawo katã, miva, ne maxlẽ nusi wòwɔ na nye luʋɔ la, afia miase!

Psalmowo 71:5

Elabena wòe nye nye mɔkpɔkpɔ, Aƒetɔ Yehowa, nye nusi ŋu meɖoa ŋu ɖo tso nye ɖevime ke!

Psalmowo 73:28

Ke nye la, Mawu ƒe gbɔnyenɔnɔ enye nye dzidzɔ; meɖo ŋu ke Aƒetɔ Yehowa ŋu, ne maxlẽ eƒe dɔwɔwɔwo katã afia.

5 Mose 4:5

Kpɔ ɖa, mena ɖoɖo kple sewo mi, abe alesi Yehowa, nye Mawu, ɖe wo nam ene, bena miawɔ wo dzi le anyigba, si dzi va ge míala axɔe la dzi.