Psalmowo 69:21 - Biblia alo Ŋɔŋlɔ Kɔkɔe La Le Eʋegbe Me 1913

²¹ Vlododo gba nye dzi, eye wode dɔlã me nam; mekpɔ mɔ na babadoname, ke dzodzroa, eye na akɔfalawo, gake nyemekpɔ ɖeke o.

Agbenya La

²¹ Wotsɔ veve de nye nuɖuɖu me, eye esi tsikɔ wum la, wotsɔ aha tsitsi nam be mano.

Psalmowo 69:21 Mawu Ofanana

Nyagblɔla 4:1

Eye megade ŋku de ameteteɖeanyi, siwo katã dzɔna le ɣea te la, eye kpa da, amesiwo woto de anyi la ƒe aɖatsiwo le tsyɔtsyɔm, ke akɔfalaa ɖeke meli na wo o; amesiwo te wo de anyi la, se ŋuta le wo ŋu, ke akɔfalaa ɖeke meli na wo o.

Yeremia 23:15

Eyata ale Yehowa Zebaot gblɔ ɖe nyagblɔɖilawo ŋu enye si: Kpɔ ɖa, mana atsa wo woaɖu, eye makpe aɖitsi na wo woano; elabena nyagblɔɖila, siwo le Yerusalem, gbɔ nu tovo wɔwɔ yi ɖe anyigba blibo la dzi.

Yeremia 8:14

Nukaŋuti míegale anyinɔƒe ko? Miƒo takpli, míayi du sesẽwo me, ne míatsrɔ̃ ɖe afima; elabena Yehowa, mía Mawu la, le míaƒe tsɔtsrɔ dim; ekpe aɖitsi na mí mieno, le esi miewɔ nuvɔ̃ ɖe Yehowa ŋu ta.

Yeremia 9:15

eye makaka wo ahlẽ ɖe dukɔ, siwo woawo kple wo fofowo menya o la dome, eye maɖo yi ɖe wo yome, vaseɖe esime matsrɔ̃ wo ava.

Konyifahawo 1:2

Ele avi fam le zã me hehehe, eye aɖatsi tsi alɔgo dzi nɛ. Eƒe ahiãvlwo dometɔa ɖeke mefa akɔ nɛ o. Xɔlɔ̃wo katã trɔ ʋu le eye me hezu eƒe fulɔwo.

Konyifahawo 1:9

Ɖiƒoƒo le eƒe avɔ toga, meɖo ŋu eƒe nuwuwu o. Tete wòyi to vevie, eye akɔfalaa ɖeke meli o. Yehowa, lé ŋku ɖe nye hiã ŋu, elabena futɔ la le asi tɔm akɔ!

Mateo 27:34

wotsɔ aha tsitsi kple veve tɔtɔ ɖo nu nɛ; eye esi wòɖoe kpɔ la, egbe be, yemele eno ge o.

Mateo 27:48

Eye enumake wo dometɔ ɖeka ƒu du yi ɖatsɔ ƒumekutsa, eye wòkɔ aha tsitsi ɖe eme fũ, eye wòtsɔe ɖo ayeti nu hekpe ne.

Marko 15:23

Eye wotsɔ aha tsitsi kple mire tɔtɔ hekpe nɛ, gake mexɔe o.

Marko 15:36

Eye ame ɖeka ƒu du, eye wòkɔ aha tsitsi ɖe ƒumekutsa me, eye wòtsɔe ɖo ayeti nu hekpe ne gblɔ bena: Miɖe asi le eŋu; mina míakpɔ be, Eliya ava ɖee ɖe anyi hã.

Luka 23:36

Eye asrafo, siwo va egbɔ, be woatsɔ aha tsitsi nɛ la, hã ɖu fewu le eŋuti

5 Mose 29:18

amesi ase fiƒodenya siawo avɔ tso, ade dzi ƒo na eɖokui agblɔ le eƒe dzi me bena; ne mese dzime le yiyim hã, ŋunye afa o, bena ne womagatsrɔ̃ amesi ɖi ko kple amesi tsikɔ le wuwum la siaa o.