Psalmowo 66:11 - Biblia alo Ŋɔŋlɔ Kɔkɔe La Le Eʋegbe Me 1913

¹¹ Etsɔ mí de ɖɔ me, eye nèdro agba ɖe ali dzi na mí.

Agbenya La

¹¹ Wòe de mí gaxɔ me, eye nèdo agba ɖe megbe na mí.

Psalmowo 66:11 Mawu Ofanana

Hiob ƒe Agbalẽ 19:6

ekema minyae be, Mawu wɔ nu madzɔmadzɔ ɖe ŋunye, eye wòda ɖɔ ɖe ŋunye godoo va kpe.

Konyifahawo 1:13

Eɖo dzo ɖa tso dzi me ɖe nye ƒuwo me, eye wòɖi hã ɖe dzinye. Eɖo ɖɔ na nye afɔwo, wògbugbɔm ɖe megbe, ana mezu gbegbe, eye mele nuxaxa dzi ɖaa.

Hezekiel 12:13

Maɖo ɖɔ nɛ, eye nye mɔ̃ aɖee, makplɔe ayi Babel le Kaldeatɔwo ƒe anyigba dzi, ke makpɔe o, eye afima wòaku ɖo.

Hosea 7:12

Ne wonya yi ko la, mada asabu de wo dzi, maɖidi wo ɖe anyi abe dziƒoxewo ene, eye mahe to na wo, abe alesi wotoe na woƒe amehawo ene.

Mateo 6:13

Eye megakplɔ mi yi ɖe tetekpɔ me o; ke ɖe mi tso vɔ̃ɖitɔ la si me! Elabena tɔwòe nye fiaɖuƒe kple ŋusẽ kple ŋutikɔkɔe yi ɖe mavɔmavɔ me. Amen.

5 Mose 33:11

Yehowa, yra eƒe ŋusẽ, eye na eƒe asinudɔwo nadze dzi nɛ! Gbã ali na eƒe futɔwo kple eƒe ketɔwo yaʋayaʋa, ne womagatsi tre o!