Psalmowo 33:3 - Biblia alo Ŋɔŋlɔ Kɔkɔe La Le Eʋegbe Me 1913

³ Midzi ne yeye na; mitɔ asi kaawo nu kple ŋusẽ!

Agbenya La

³ Midzi ha yeye nɛ; miƒo ha nɛ kple ŋusẽ, eye míado dzidzɔɣli.

Psalmowo 33:3 Mawu Ofanana

1 Kronika 13:8

Tete Dawid kple Israel blibo la le ɣe ɖum le Mawu ŋku me kple ŋusẽ katã ɖe hadzidzi, saŋku kple kasaŋku, asiʋui kple gakogoe kpakple kpẽwo ŋu.

1 Kronika 15:22

Wotsɔ Kenanya, Lewi-viwo ƒe amegã, ɖo agbatsɔtsɔ nu, elabena enya mɔnu le agbatsɔtsɔ ŋu.

1 Kronika 25:7

Woxlẽ woawo kple wo nɔvi, siwo srɔ̃ Yehowa ƒe ha la, kpe ɖe hafialawo ŋu, wole ame alafa eve kple blanyi vɔ enyi.

2 Kronika 34:12

Ŋutsuawo wɔ dɔla le anukware me. Eye wotsɔ Yaxat kple Obadya, amesiwo nye Lewi-viwo tso Merari viwo dome, kple Zaxarya kpakple Mesulam, amesiwo tso Kehat viwo dome, do wo nu; eye wotsɔ Lewi-vi, siwo katã nya saŋkuƒoƒo la,

Psalmowo 144:9

Mawu, madzi ha yeye na wò, eye maƒo ha na wò le kasaŋku ka ewo tɔ dzi;

Psalmowo 149:1

Mikafu Yehowa! Midzi ha yeye na Yehowa, eƒe bubu neɖi le mawumemewo ƒe ha me!

Psalmowo 40:3

Ehem tso gbegblẽ ƒe do la me, eye wòɖem le ba finyafinya me, etsɔ nye afɔ ɖo agakpe dzi, eye wòli ke nye afɔɖeɖewo,

Psalmowo 40:4

ede ha yeye nunye kple kafukafuha na mía Mawu la. Ame geɖewo akpɔe, eye vɔvɔ̃ aɖo wo, eye woaɖo dzi ɖe Yehowa ŋu.

Psalmowo 96:1

Midzi ha yeye na Yehowa, mi anyigbawo katã, midzi ha na Yehowa!

Psalmowo 98:1

Hadzidzi. Midzi ha yeye na Yehowa, elabena ewɔ nukunuwo! Eƒe nuɖusi kple eƒe alɔ kɔkɔe la xɔ nɛ.

Yesaya 42:10

Mi amesiwo toa atsiaƒu dzi, kple atsiaƒu me nuwo, mi ƒukpowo kple wo dzi nɔlawo, midzi ha yeye na Yehowa, miɖe gbe ƒã eƒe kafukafu tso anyigba ƒe mlɔenu!

Efesotɔwo 5:19

eye mitso Psalmowo kple kafukafuhawo kpakple gbɔgbɔ me hawo ƒo nu kple mia nɔewo: Midzi ha, eye miƒo ha na Aƒetɔ la le miaƒe dzi me,

Kolosetɔwo 3:16

Mina Kristo ƒe nya la nanɔ mia me geɖe fũ, eye mitsɔ nunya sia nunya fia nu mia nɔewo, eye mixlɔ̃ nu mia nɔewo kple Psalmowo kple kafukafuhawo kpakple gbɔgbɔ me hawo, eye midzi ha le amenuveve me na Mawu le miaƒe dziwo me.

Nyaɖeɖefia 14:3

Eye wodzi ha yeyea ɖe le fiazikpui la kple nu gbagbe eneawo kpakple amegã xoxoawo ƒe ŋku me; eye amea ɖeke mete ŋu srɔ̃ hadzidzi la o, negbe ame akpe alafa ɖeka blane vɔ ene, siwo woƒle tso anyigba dzi la koe.

Nyaɖeɖefia 5:9

Eye wodzi ha yeye le gbɔgblɔm bena: Wòe wòdze be, naxɔ agbalẽ la, eye naɖe eƒe nutrenuawo ɖa; elabena wowu wò, eye nètsɔ wò ʋu ƒle mí tso to sia to kple gbegbɔgblɔ sia gbegbɔgblɔ kple du sia du kple dukɔ sia dukɔ me hena Mawu,