Psalmowo 20:8 - Biblia alo Ŋɔŋlɔ Kɔkɔe La Le Eʋegbe Me 1913

⁸ Ame meawo ɖoa ŋu ɖe tasiaɖam kple sɔwo ŋu, ke míawo míeyɔa Yehowa, mía Mawu la, ƒe ŋkɔ.

Agbenya La

⁸ Ame mawo la, wodzea klo, eye wodzea anyi, ke míawo ya, míenɔa tsitre, eye míedzɔna kã.

Psalmowo 20:8 Mawu Ofanana

2 Fiawo 19:23

Edo vlo Aƒetɔ la to wò dɔlawo dzi gblɔ bena: Metsɔ nye tasiaɖam gbogboawo va toawo ta me kple Libanon ƒe tsutsuẽ aƒe, eye melã eƒe sederti kɔkɔwo kple eƒe sesewu nyuitɔwo, azɔ mege ɖe eƒe nɔƒe kɔkɔwo kple eƒe abɔmeti dodowo gbɔ;

2 Kronika 14:10

Tete Asa yɔ Yehowa, eƒe Mawu la, gblɔ bena: Yehowa, amea ɖeke meli kpe ɖe ŋuwò, si axɔ na ame le ame kako kple ame beli ƒe aʋawɔwɔ me o. Yehowa, mía Mawu, xɔ na mí, elabena wòe miede mee, eye le wò ŋkɔ me míeho aʋa ɖe ame gbogbo siawo ŋu; Yehowa, wòe nye mía Mawu, eye amegbetɔa ɖeke mate ŋu axe mɔ na wò o.

2 Kronika 14:11

Tete Yehowa si Kusiviwo le Asa kple Yuda ŋgɔ, ale be Kusitɔwo si.

Ezra ƒe Agbalẽ 8:22

Elabena ŋu le kpeyem be, mabia aʋakɔ kple sɔdolawo le fia si, ne woaxɔ na mí tso futɔvvo si me le mɔta, elabena míegblɔ na fia la bena: Mía Mawu ƒe asi le amesiwo katã dinɛ la dzi hena woƒe nyonyo, ke eƒe ŋusẽ kple dziku le amesiwo katã gblẽnɛ di la dzi.

Psalmowo 124:8

Míaƒe xɔname le Yehowa, dzikple anyigbawɔla, ƒe ŋkɔ me.

Psalmowo 125:1

Mɔzɔha. Amesiwo ɖoa dzi ɖe Yehowa ŋu la, le abe Zion-to, si meʋana o, eye wòli tegbee la ene.

Psalmowo 33:16

Fia ƒe dziɖuɖu mele aʋakɔ kpaŋkpaŋ me o, eye ŋusẽ geɖe meɖea kalẽtɔ o.

Psalmowo 33:17

Ne eɖó dziɖuɖu teƒe la, sɔ mele ɖeke me o, eye eƒe ŋusẽ la hã meɖea ame o.

Lododowo 21:31

Woblaa akpa na sɔ ɖe aʋawɔgbe ŋu, ke Yehowa si mee dziɖuɖu le.

Hosea 14:4

Asur mate ŋu axɔ na mí o, míagado sɔwo o, eye míagayɔ míaƒe asinudɔwɔwɔ be mía Mawu azɔ o, elabena gbɔwò nublanuikpɔkpɔ le na tsyɔ̃eviwe.“

Mika 7:8

Nye futɔ, meganɔ dzidzɔ kpɔm ɖe ŋunye, o; elabena ne medze anyi la, magafɔ, eye ne mebɔbɔ nɔ viviti me la, Yehowa ye nye nye kekeli.

Yosua 11:4

Tete woho kple woƒe aʋakɔwo katã kple sɔwo kpakple tasiaɖam geɖewo; wosɔ gbɔ abe ƒutake ene.

Ɖelawo 5:31

Yehowa, alea wò futɔwo katã atsrɔ̃ enye si! Ke amesiwo lɔ̃nɛ la le, abe alesi ɣe dzena kple ŋusẽ ene. Eye anyigba la ŋu fa ƒe blane sɔŋ.

1 Samuel 17:45

Dawid gblɔ na, Filistitɔ la bena: Wòa ètsɔ yi, tunuhlo kple akplɔ gbɔna gbɔnyee; ke nye la megbɔna gbɔwò le Yehowa Zebaot, Israel ƒe aʋalɔgo, siwo ŋu nède alɔme le la ƒe Mawu ƒe ŋkɔ me.