Psalmowo 127:1 - Biblia alo Ŋɔŋlɔ Kɔkɔe La Le Eʋegbe Me 1913

¹ Salomo ƒe mɔzɔha. Ne Yehowa metu xɔ o la, dzodzroa etulawo le agbagba dzem le eŋu; ne Yehowa medzɔ dua ŋu o la, dzodzroe dzɔla le ŋudzɔ.

Agbenya La

¹ Ne Yehowa metu xɔ o la, etulawo le agbagba dzem dzodzro. Ne Yehowa medzɔ du la ŋu o la, dzodzroe dua ŋu dzɔlawo le ŋudzɔ.

Psalmowo 127:1 Mawu Ofanana

1 Fiawo 5:12

Ebu abe akpe etɔ̃, eye eƒe hakpakpawo le ha akpe ɖeka kple atɔ.

1 Kronika 28:10

Eyata nyae be, Yehowa ɖa wò, be natu xɔ, si anye kɔkɔeƒe; lé dzi ɖe ƒo, eye na wɔe ade goe!

1 Kronika 28:20

Eye Dawid gblɔ na via Salomo bena: Sẽ ŋu, eye lé dzi ɖe ƒo, eye na wòe aɖe goe; megavɔ̃ o, eye dzika megatso ƒowò o; elabena Yehowa Mawu, nye Mawu, li kpli wo, maɖe asi le ŋuwò o, eye magblẽ wò ɖi o, vaseɖe esime na wu Yehowa ƒe aƒe la ƒe dɔwo katã nu!

1 Kronika 29:19

Eye na dzi blibo vinye Salomo, ne wòalé wò sewo, nufiafiawo kple ɖoɖowo me ɖe asi wòawɔ nuawo katã aɖe goe, eye woatu fiasã, si ŋu medzra nuawo ɖo ɖo la!

Psalmowo 120:1

Mɔzɔha. Meyɔ Yehowa le nye xexe me, eye wòɖo tom.

Psalmowo 121:1

Mɔzɔha. Mewu mo dzi ɖe toawo ŋu, afika xɔname atso ava nama?

Psalmowo 122:1

Dawid ƒe mɔzɔha. Dzi dzɔm, esime wogblɔ nam be: Mina míayi Yehowa ƒe me.

Psalmowo 123:1

Mɔzɔha. Wò amesi bɔbɔ nɔ dziƒo, wòe mefu mo dzi ne

Psalmowo 124:1

Dawid ƒe mɔzɔha. Israel negblɔ be: Ɖe menye Yehowa ye le mía dzi o,

Psalmowo 125:1

Mɔzɔha. Amesiwo ɖoa dzi ɖe Yehowa ŋu la, le abe Zion-to, si meʋana o, eye wòli tegbee la ene.

Psalmowo 126:1

Mɔzɔha. Esime Yehowa gaɖo Zion le la, míezu abe drɔ̃ekulawo ene.

Psalmowo 72:1

Salomo tɔ. Mawu, tsɔ wò ʋɔnudɔdrɔ̃ na fia la kple wò dzɔdzɔenyenye na flavi la!

Psalmowo 78:69

Eye wotu eƒe kɔkɔeƒe la abe dziŋgɔli ene, abe anyigba, si gɔme wóɖo anyi tegbee ene.

Lododowo 16:9

Amegbetɔ ƒe dzi susua eƒe mɔ ŋu; ke Yehowa ye fiaa mɔ eƒe afɔɖeɖe.

Nyagblɔla 9:11

Eye megakpɔ le ɣea te be, duƒuƒu mele alo ɖablae me o, aʋawɔwɔ mele kalẽ me o, nuɖudukpɔkpɔ mele nunya me o, kesinɔnu mele ayedzedze me o, eye ŋudzedzekpɔbpɔ mele nugɔmesese me o, ke boŋ azãgbe kple nudiɖeame li na wo katã.

Hawo ƒe ha 3:3

Dzɔla, siwo le tsatsam le dua me la, do gom. „Míekpɔ amesi nye luʋɔ lɔ̃na la oa?“

Hawo ƒe ha 5:7

Dzɔla, siwo le tsatsam le dua me la do gom, woƒom de abi ŋunye; gli ŋu dzɔlawo ɖe taɖedzi le ŋunye.

Yesaya 27:3

Nye Yehowa manye eŋu dzɔla, eye made tsii ɣesiaɣi, be naneke magawɔe o; madzɔ eŋu zã kple keli.

Yesaya 56:10

Woƒe dzɔlawo katã nye ŋkuagbãtɔwo, womele si dzem naneke o; avũ aɖetututɔ, siwo mate ŋu aɖe gbe o la, wo katã wonye, womlɔ anyi le drɔ̃e kum, eye alɔ̃ le wo nu vivim.

Yesaya 62:6

Yerusalem, meɖo dzɔlawo wò gliwo dzi, amesiwo mazi ɖoɖoe ŋkeke blibo kple zã blibo o. Mi amesiwo ɖoa ŋku nu dzi na Yehowa, migagbɔ ɖe eme o!

Yeremia 51:12

Mitu aflaga ɖe Babel-gliwo dzi, mina dzɔlawo nasɔ gbã ɖe edzi, miɖo gbetakpɔlawo, eye miɖe amewo ɖo xa me; elabena Yehowa ɖo ta me, eye awɔ nusi wògblɔ ɖe Babeltɔwo ŋu la hã ade goe.

Yeremia 51:31

Duƒula yi ɖakpe duƒula, eye duxɔla yi ɖakpe duxɔla, ne woagblɔ na Babel-fia be, wòxɔ eƒe du la le goawo katã me,

1 Korintotɔwo 15:14

Ke ne Kristo metsi tre o la, ekema miaƒe gbeƒãɖeɖe enye dzodzro, eye miaƒe xɔse hã enye dzodzro.

1 Korintotɔwo 3:7

Eyata amesi do nu la, menye naneke o, eye amesi de tsii hã, menye naneke o, ke Mawu, si na tsitsi lae boŋ.

Galatiatɔwo 4:11

Mele vɔvɔ̃m ɖe mia nu bena, misela medze agbagba dzodzro ɖe mia ta mahĩ?

5 Mose 8:18

ke boŋ ɖo ŋku Yehowa, wò Mawu la dzi, elabena eyae na ŋusẽ wò, be nakpɔ kesinɔnuwo, ne wòawɔ nusi wòbia kple fofowòwo la dzi, abe alesi wòzu egbe siawo ene.

Yosua 2:2

Eye wogblɔ na Yerixo-fia bena: Kpɔ ɖa, ŋutsuwo tso Israel-viwo dome va afisia egbe zã, be woatsa ŋku le anyigba la dzi.