Nyaɖeɖefia 9:16 - Biblia alo Ŋɔŋlɔ Kɔkɔe La Le Eʋegbe Me 1913

¹⁶ Eye sɔdolawo ƒe aʋakɔ ƒe xexlẽme le akpe ewo teƒe akpe ewo teƒe eve; mese woƒe xexlẽme.

Agbenya La

¹⁶ Asrafo siwo do sɔ la ƒe xexlẽme anɔ miliɔn alafa eve (200,000,000). Nye ŋutɔ mekpɔ woƒe xexlẽme.

Nyaɖeɖefia 9:16 Mawu Ofanana

Psalmowo 68:17

Mi to tame tsutsuẽwo, nukaŋuti miele to, si Mawu di be, yeatsɔ awɔ ye nɔƒee la, kpɔm ɖe ƒomevii? E, Yehowa anɔ afima tegbee!

Hezekiel 23:6

anyigbanunɔlawo kple amegãwo, siwo le aɖabɛ blɔtɔ me, ɖekakpuivi dzeɖekɛwo sɔŋ wonye, eye wole sɔ dzi.

Hezekiel 38:4

Mable nuwo, eye made ga alɔgo na wò ahakplɔ mia kple wò aʋakɔ blibo la, sɔwo kple sɔdolawo, adzoe, wo katã woɖo atsyɔ̃, ameha gã, si kpla akpoxɔnu gã kple via, eye wo katã wòlé yi ɖe asi.

Daniel 11:40

Le nuwuɣi la dziehefia akpe kplii; anyiehefia atsɔ tasiaɖamwo sɔɖolawo kple ʋu geɖewo aho ɖe eŋu, eye woava aƒo ɖe anyigbawo dzi bibibi.

Daniel 7:10

Dzotɔsisi tso egbɔ gbagba ɖi bababa; ame akpe teƒe akpe le esubɔm, eye eme akpe ewo teƒe akpe ewo tsi tre ɖe egbɔ; woɖi ʋɔnu, eye woke agbalẽwo.

Nyaɖeɖefia 5:11

Eye mekpɔ, eye mese mawudɔla geɖe, siwo ƒo xlã fiazikpui la kple nu gbagbeawo kple amegã xoxoawo ƒe gbeɖiɖi, eye woƒe xexlẽme nu anɔ akpe ewo teƒe akpe ewo kple akpeakpewo,

Nyaɖeɖefia 7:4

Eye mese amesiwo nu wotre la ƒe xexlẽme — wotre ame akpe alafa ɖeka blane vɔ ene nu le Israel-viwo ƒe toawo katã me: