Nehemia 9:37 - Biblia alo Ŋɔŋlɔ Kɔkɔe La Le Eʋegbe Me 1913

³⁷ Edzi agblemenu wo le dzidzim ɖe dzi na fia, siwo nètsɔ ɖo mía nu le míaƒe nuvɔ̃wo ta la, woɖu míaƒe ŋutilã kple míaƒe lãwo dzi, alesi dze wo ŋu, eye míeɖo xaxa gã me.

Agbenya La

³⁷ Anyigba sia dzi nuku nyuiwo va yi fia siwo nèna woɖu mía dzi le míaƒe nu vɔ̃wo ta la ƒe asime. Wokpɔ ŋusẽ ɖe míaƒe ŋutilã kple míaƒe lãwo dzi. Míesubɔa wo abe ale si wodi ene, eye míezu nublanuitɔ gãwo.”

Nehemia 9:37 Mawu Ofanana

Ezra ƒe Agbalẽ 4:13

Azɔ fia la nanyae be, ne wotso du sia, eye woflɔ gliawo nu la, ekema woagbe nudzɔdzɔ, adzɔ kple mɔtaho nana, eye mlɔe ke la woade fiawɔ bla me.

Ezra ƒe Agbalẽ 6:8

Eye mene wole se ɖeni le nusi miawɔ na Yudatɔwo ƒe ame tsitsiwo, be woatu mawuxɔ sia la ŋuti. Woatsɔ fia ƒe nudzɔdzɔ le tɔsisi la ƒe go keme dzi ƒe gawo ana ŋutsu siawo dedie, eye womagaxe mɔ na wo o.

Ezra ƒe Agbalẽ 7:24

Eye míele nanam mianyae be, amea ɖeke mekpɔ ŋusẽ be, wòaɖo nudzɔdzɔ, adzɔ kple mɔtaho na nunɔlawo, Lewi-viwo, hadzilawo, agbonudzɔlawo, gbedɔxɔ me dɔwɔlawo kple mawuxɔ la ŋu dɔlawo katã o.

Nehemia 5:8

gblɔ na wo bena: Míawo míexɔ mía nɔvi Yudatɔ, siwo wotsɔ dzra na dukɔwo la ƒle, alesi míete ŋui ko la, eye azɔ miawo mietsɔ mia nɔviwo le dzadzram, eye wole wo dzram na mía? Ke wozi kpi, eye womekpɔ nyaa ɖeke ɖo eŋu o.

Konyifahawo 5:5

Woti mía yome kplikplikpli, ɖeɖi te mía ŋu, ke womena míegbɔ ɖe eme o.

3 Mose 26:17

Maɖe ŋku ata mi, miaƒe futɔwo asi mí, eye miaƒe adikãtɔwo aɖu mia dzi, eye ne amea ɖeke mele mia nyãm o hã, miade afa du me.

Yohanes 8:33

Woɖo ŋu nɛ bena: Abraham ƒomeawo míenye, eye míenye amea ɖeke ƒe kluvi kpɔ o: aleke wɔ nagblɔ bena: Miazu ablɔɖeviwo mahã?

5 Mose 28:33

Dukɔ, si menya o la, aɖu wò agblemenuwo kple nusiwo katã nèwɔ dɔ kpɔ, wòase ŋuta le ŋuwò ɣesiaɣi, eye woate wò ɖe anyi.

5 Mose 28:39

Àde weingble, eye awɔ dɔ le eŋu, ke makpɔ wein ano o, eye màgbe kutsetsea ɖeke hã o, elabena ŋɔwo aɖui.

5 Mose 28:48

eyata dɔ kple tsikɔ awu wò, atsi amama, eye hiã atu wò le nu geɖewo me, gake hafi nagasubɔ wò futɔ, siwo Yehowa dɔ ɖe ŋuwò la, eye woade gakɔkuti kɔ na wò, vaseɖe esime woatsrɔ̃ wò avɔ.

5 Mose 28:51

Aɖu wò lãwo kple wò agblemenuwo, vaseɖe esi natsrɔ̃ avɔ, eye bli, wein kple ami kpakple wò nyinɔ kple wò alẽnɔa ɖeke masusɔ na wò vaseɖe esime natsrɔ̃ avɔ o.