Nahum 2:9 - Biblia alo Ŋɔŋlɔ Kɔkɔe La Le Eʋegbe Me 1913

⁹ Tso gbaɖegbe ke Niniwe le abe ta, si tsi yɔ fũ ene; ke woasi, eye ne wobe, „mitɔ, mitɔ“ la, amea ɖeke menye kɔ o.

Agbenya La

⁹ Miha klosalowo! Mìha sika! Kesinɔnuwo sɔ gbɔ fũu, xexlẽme meli na nu xɔasi siawo o.

Nahum 2:9 Mawu Ofanana

2 Kronika 36:10

Esi ƒe trɔ la, fia Nebukadnezar do woɖakplɔe va Babel, eye wofɔ Yehowa ƒe aƒe me ŋu dɔwɔnu veviwo kpe ɖe eŋu, eye wòtsɔ nɔvia Zedekiya ɖo fia ɖe Yuda kple Yerusalem nu.

Yesaya 33:1

Baba na wò nugblẽla, si womegblẽna o, wò adzoblasu, si womedaa adzoe o! Ne èwu nugbegblẽ nu la, woagblẽ wò hã, eye ne eda adzo vɔ la, woada adzo wò hã!

Yesaya 33:4

Eye woaƒo miaƒe nuhahawo nu ƒu, abe alesi woƒoa ʋetsuviwo nu ƒu ene, eye woaƒu du ɖe wo ŋu, abe alesi abɔ fia kpoe ene.

Yeremia 25:34

Mifa avi, mi lãkplɔviwo, mido aƒa, eye miƒo togotogoe, mi lãha ƒe bubumewo, elabena miaƒe azã de, ne woawu mi, eye makaka mi ahlẽ, ne mianɔ abe agba xɔasi, si ge dze anyi ene!

Yeremia 46:5

Nukaŋuti mele wo kpɔm dzidzi ƒo wo, eye wogbugbɔ ɖe megbe, wogbã woƒe kalẽtɔwo gudugudu, eye wòsi womegale megbe kpɔm o? Yehowa be: Ŋɔdzi li godoo.

Yeremia 51:56

Elabena nugblẽla aƒo ɖe Babel dzi, eye wòaɖe aboyo eƒe kalẽtɔwo, eye woƒe dawo aŋe, elabena Mawu nuteƒeɖola enye Yehowa, eye ahe to kokoko.

Hezekiel 26:12

Woaha wò kesinɔnuwo, eye woada adzo wò adzɔnuwo, woamũ wò gliwo, woagbã wò dzidzɔkpɔxɔwo, eye woalɔ wò kpewo, atiwo kple anyiglãgowo aƒu gbe ɖe atsiaƒu me.

Daniel 11:8

Aɖe aboyo woƒe mawuwo kple legba kɔkɔwo kpakple nu vevi, siwo wotsɔ klosalo kple sika wɔe la, ayi Egipte, eye wòadzudzɔ nuwɔwɔ kple anyiehefia ƒea ɖewo.

Nahum 3:17

Wo amegãwo le abe ʋetrawo ene, eye wò aʋaflawo le abe ʋe-tsuviwo ƒe ha ene, wodzona ɖe gliwo ŋu le gbesigbe vuvɔ le wɔwɔm, ke ne ɣe dze la, wotuna dzona, eye womegadzea siwo teƒe o.

Nyaɖeɖefia 18:12

Adzɔnu siawo nye: Sika kple klosalo kple kpe xɔasiwo kple adzagbawo kple aklala biɖibiɖi kple aɖabɛ kple seda kple awu dzi kple ati ʋeʋẽe ƒomeviwo katã kple nyiɖu ƒe aɖaŋunu bubu ƒomeviwo katã kple ati xɔasi kple gadzẽ kple ga kple kpe xɔasi ƒe aɖaŋunu bubu ƒomeviwo katã

Nyaɖeɖefia 18:16

Baba, baba na du gã la! Eya, si do aklalabiɖibiɖiwu kple aɖabɛwu kple awu dzi, eye wòwu leke kple sika kple kpe xɔasi kple adzagbawo! Elabena le gaƒoƒo ɖeka me kesinɔnu geɖe siawo golẽ petepete.