Mika 7:15 - Biblia alo Ŋɔŋlɔ Kɔkɔe La Le Eʋegbe Me 1913

¹⁵ Mana wòakpɔ nukunuwo abe gbesigbe nèʋu tso Egipte-nyigba dzi ene.

Agbenya La

¹⁵ “Abe ale si wònɔ le ŋkeke siwo me nèdo go tso Egipte ene la, mafia wo nye nukunuwo.”

Mika 7:15 Mawu Ofanana

Psalmowo 68:22

Vavãe, Mawu agbã la na eƒe tutɔwo kple dzodome na amesiwo le yiyim le woƒe fɔɖiɖi me.

2 Mose 3:20

Mado nye asi da, eye matsɔ nye nukunuwo katã, siwo mawɔ le wo dome la, aɖee le mo na Egiptetɔwo: emegbe hafi woana miayi.

2 Mose 34:10

Eɖo ŋu bena: Kpɔ ɖa, mebia nu kpli wò le wò dukɔ blibo la ŋku me, eye mawɔ nukunu, siwo womewɔ le anyigba blibo la dzi kple dukɔwo katã dome kpɔ o la: eye dukɔ blibo, si dome nèle la, akpɔ Yehowa ƒe nukunuwo, elabena nusi mawɔ kpli wò la, adzi ŋɔ.

Yesaya 11:16

Eye wòanye ma tata na eƒe dukɔ ƒe ame mamlea, siwo akpɔtɔ tso Asur, abe alesi wònɔ na Israel, esime wòʋu tso Egipte-nyigba dzi la ene.

Yesaya 51:10

Ɖe menye wòe na atsiaƒu, tɔgo glo la me tsiwo mie, eye nèta mɔ ɖe atsiaƒu gɔme, be amesiwo woɖe la, to edzi yi oa?

Yesaya 51:9

Nyɔ, Yehowa ƒe alɔ, nyɔ, eye nata ŋusẽ! Nyɔ abe le tsã ŋkekewo me ene, abe le blema ƒomeawo ŋɔli ene. Ɖe menye wòe fũ Raxab, eye nèƒo nu ɖe boso la oa?