Mika 6:5 - Biblia alo Ŋɔŋlɔ Kɔkɔe La Le Eʋegbe Me 1913

⁵ Nye ɖukɔ, ɖo ŋu tame, si Moab-fia Balak ɖo, kple alesi Bileam, Beor vi la, ɖo eŋu nɛ; ɖo ŋu nya, siwo dzɔ tso Sitim vaseɖe Gilgal, ne nadze si Yehowa ƒe dɔmenyo!

Agbenya La

⁵ Nye dukɔ, ɖo ŋku aɖaŋu si Moab fia, Balak, ɖo kple ale si Balaam, Beor ƒe vi la ɖo eŋu nɛ la dzi. Ɖo ŋku wò mɔzɔzɔ tso Sitim yi Gilgal la dzi, be nàdze si Yehowa ƒe nu dzɔdzɔe wɔwɔwo.”

Mika 6:5 Mawu Ofanana

Psalmowo 111:4

Edo ŋkuɖodzinu eƒe nukunuwo ŋu, amenuvela kple nublanuikpɔla enye Yehowa.

Psalmowo 143:11

Yehowa, gbɔ agbem le wò ŋkɔ la ta; ɖe nye luʋɔ tso xaxa me le wò dzɔdzɔenyenye la ta!

Psalmowo 36:10

Elabena gbɔwò agbedzɔƒe le, eye wò kekeli me míele kekeli kpɔm le.

Psalmowo 71:19

Mawu, wò dzɔdzɔenyenye kɔ de dziƒo ke; wò amesi wɔ nu gãwo, Mawu, amekae ɖe nuwò ma?

Yesaya 1:27

Woatso ʋɔnudɔdrɔ̃ aɖe Zion, eye woatsɔ dzɔdzɔenyenye aɖe eƒe amesiwo trɔ ta me la.

4 Mose 22:41

Esi ŋu ke la, Balak kplɔ Bileam yi Bamot-Baal, afisi wòkpɔ dukɔ la ƒe mlɔenu le.

4 Mose 23:27

Emegbe Balak gblɔ na Bileam bena: Va, makplɔ wò yi teƒe bubu, ɖewohĩ adze Mawu ŋu, bena naƒo fi ade wo nam tso afima.

4 Mose 25:1

Esi Israel le Sitim la, dukɔ la de asi ahasiwɔwɔ me kple Moab-nyɔnuwo.

4 Mose 25:2

Wokpe dukɔ la va woƒe mawuwo ƒe vɔsanu wo ɖuƒe, eye dukɔ la du nu, eye wòde ta agu na woƒe mawuwo.

4 Mose 31:16

Evɔ wònye woawoe na Israel-viwo subɔ Peor hetrɔ ʋu le Yehowa yome le Bileam ƒe aɖaŋuɖoɖo la nu, eye dɔvɔ̃ ɖo Yehowa ƒe ha la me hafi.

4 Mose 31:8

Eye wowu Midian-fia atɔ̃awo, siwo nye: Evi, Rekem, Zur, Xur kple Reba la, kpe ɖe ame bubuawo ŋu; eye wowu Bileam, Beor vi, hã kple via.

4 Mose 33:49

Woƒu asaɖa la anyi ɖe Yordan nu tso Bet-Yesimot vaseɖe Abel-Sitim le Moab-tagba.

Efesotɔwo 2:11

Eyaŋuti la miɖo ŋku edzi bena, tsã la mi amesiwo nye trɔ̃subɔlawo le ŋutilã me, amesiwo woyɔna be aʋamatsomatso le amesiwo woyɔna be aʋatsotso, si wotsɔ asi wɔ le ŋutilã me la gbɔ la,

5 Mose 16:3

Megatsɔ nu ʋaʋãa ɖeke doe o, ke boŋ naɖu nu maʋama ʋã, si nye funyibolo la, ŋkeke adre sɔŋ, elabena kplakplakpla dzi nele, hafi ʋu tso Egipte-nyigba dzi, ne gbesigbe nèʋu tso Egipte-nyigba dzi la, nano ŋku dzi na wò le wò agbe me ŋkekewo katã me.

5 Mose 23:6

Ke Yehowa, wò Mawu, meɖo to Bileam o, eye Yehowa, wò Mawu, na fiƒode la trɔ zu yayra na wò, le esi Yehowa, wò Mawu, lɔ wò ta.

5 Mose 8:18

ke boŋ ɖo ŋku Yehowa, wò Mawu la dzi, elabena eyae na ŋusẽ wò, be nakpɔ kesinɔnuwo, ne wòawɔ nusi wòbia kple fofowòwo la dzi, abe alesi wòzu egbe siawo ene.

5 Mose 8:2

Ɖo ŋku mɔ blibo la dzi, esi dzi Yehowa, wò Mawu, kplɔ wò toe le gbedzi ƒe blane sɔŋ, bena yeabɔbɔ wò ɖe anyi, ne yeado wò akpɔ, bena yeanya nusi le wò dzi me, be awɔ eƒe seawo dzi loo, alo mawo wo dzi o.

5 Mose 9:7

Ɖo ŋku edzi, eye megaŋlɔ alesi nèɖo dɔmedzoe na Yehowa, wò Mawu, le gbedzi la be o! Miesẽ to ɖe Yehowa ŋu, tso gbesigbe ke mieʋu tso Egipte, vaseɖe esime mieva teƒe sia.

Yosua 2:1

Eye Yosua, Nun vi, ɖɔ ŋutsu eve le adza me tso Sitim, be woaɖatsa ŋku, gblɔ bena: Miyi ɖakpɔ anyigba la kple Yerixo ɖa! Tete woyi, eye wova dze gboloa ɖe, si ŋkɔ nye Raxab la ƒe me, eye wotsi afima dɔ.

Yosua 3:1

Tete Yosua kple Israel-viwo katã fɔ ŋdi kanya, eye woho tso Sitim heva Yordan nu, eye wotsi afima dɔ, hafi woava tso tɔ la.

Yosua 4:19

Dukɔ la ɖi go ɖe Yordan godo le ɣleti gbãtɔ ƒe ŋkeke ewolia dzi, eye woƒu asaɖa anyi ɖe Gilgal le Yerixo ƒe ɣedzeƒe gome.

2 Petro 2:15

Esime wogblẽ mɔ dzɔdzɔe la ɖi la, wotre mɔ, eye wodze Bileam, Beor vi, amesi lɔ madzɔmadzɔnyenye ƒe fetu la yome;

1 Yohanes 1:9

Ne mieʋu miaƒe nuvɔ̃wo me la, ekema nuteƒewɔla kple dzɔdzɔetɔ wònye, bene woatso míaƒe nuvɔ̃wo ake mí, eye wòaklɔ madzɔmadzɔnyenye katã ɖa le mia ŋuti.

Yuda ƒe Agbalẽ 1:11

Baba na wo! Elabena wodze Kain ƒe mo dzi yina, eye wohe wo ɖokui ɖe Bileam ƒe beblefetu la me, eye wotsrɔ̃ le Kora ƒe agudzedze la me.

Nyaɖeɖefia 2:14

Gake la mekpɔ nu via ɖewo le ŋutiwò; elabena amesiwo lé Bileam ƒe nufiafia me ɖe asi la, le gbɔwò le afima, amesi fia Balak bena, wòatsɔ nuɖianu aɖo Israel-viwo ŋku me, ne woaɖu nusiwo wosa vɔe na trɔ̃wo, eye woawɔ ahasi.

Ɖelawo 11:25

Wòe nye ame wu Moab-fia Balak, Zipor vi la? Ɖe wòwɔ dzre kple Israel alo wɔ aʋa kplii kpɔa?

Ɖelawo 5:11

Esi aŋutrɔdalawo tso aseye le lãtoawo gbɔ la, wokafu Yehowa ƒe nu dzɔdzɔe wɔwɔwo kple Israel ƒe aʋafiawo ƒe nu dzɔdzɔe wɔwɔwo le afima Emegbe Yehowa ƒe dukɔ la gbugbɔ yi duwo me.

1 Samuel 12:7

Eyata miva ɖo, ne maɖe dɔmenyo, siwo katã Yehowa wɔ na mia kple mia fofowo la me na mi le Yehowa ŋku me!