Mateo 6:11 - Biblia alo Ŋɔŋlɔ Kɔkɔe La Le Eʋegbe Me 1913

¹¹ Na miaƒe nuɖuɖu, si asu mía nu egbe la mí!

Agbenya La

¹¹ Na nuɖuɖu si míaɖu egbe la mi.

Mateo 6:11 Mawu Ofanana

Hiob ƒe Agbalẽ 23:12

Nyemete ɖe aga le eƒe nuyi ƒe sewo ŋu o, eye medzra eƒe nu me nyawo ɖo wu nye ŋutɔ nye se.

Psalmowo 34:10

Mivɔ̃ Yehowa, mi eƒe ame kɔkɔewo, elabena amesiwo vɔ̃nɛ la, hiã metua wo o.

Lododowo 30:8

Alakpa kple aʋatsokaka neƒo asa nam! Megana ahedada kple hotsuim o; na maɖu nye nusi nyee tɔnye,

Yesaya 33:16

eyae anɔ kɔkɔƒewo, mɔ̃ sesẽ, siwo le agakpewo dzi la, anye eƒe bebeƒe, woana aboloe, eye eƒe tsi mamie o.

Mateo 4:4

Ke eya ɖo eŋu gblɔ bena: Woŋlɔ ɖi bena: „Menye abolo ɖeɖe ko ŋuti ame lanɔ agbe ɖo o, negbe ɖe nya sia nya, si dona tsoa Mawu ƒe nu me la ŋuti.“

Luka 11:3

Na miaƒe abolo, si asu mia nu gbesiagbe la mi!

2 Tesalonikatɔwo 3:12

Ke míele se dem na nenem me siawo, eye míele nu xlɔ̃m wo le mia Aƒetɔ Yesu Kristo me, bene woawɔ dɔ kpoo, eye woaɖu woa ŋutɔwo ƒe abolo.

1 Timoteo 6:8

ke ne nunyiame kple avɔtata le mía si la, mina nusiawo nasɔ gbɔ na mí.

Rut ƒe agbalẽ 1:6

Tete eya kple lɔ̃xoawo wotso hegbugbɔ tso Moab-nyigba dzi; elabena ese le Moab-nyigba dzi be, Yehowa kpɔ eƒe dukɔ la ɖa, eye wòna abolo wo.