Mateo 28:1 - Biblia alo Ŋɔŋlɔ Kɔkɔe La Le Eʋegbe Me 1913

¹ Ke le ŋkeke, si dze Sabat yome, si nye kwasiɖa ƒe ŋkeke gbãtɔ ƒe ŋdikanya la, Maria, Magdalatɔ, kple Maria keme la wova yɔdo la kpɔ ge ɖa.

Agbenya La

¹ Ke le ŋkeke si dze Dzudzɔgbe yome, si nye Kɔsiɖagbe ƒe fɔŋli me la, Maria Magdalatɔ kple Maria evelia woyi ɖe yɔdo la to.

Mateo 28:1 Mawu Ofanana

Daniel 6:19

Emegbe fia la yi eƒe fiasã me, eye wotsi nu dɔ, womekplɔ nyɔnu vɛ nɛ o, eye wòtsi zãdomadɔlɔ̃e.

Mateo 27:56

amesiwo dome Maria, Magdalatɔ, kple Maria, si nye Yakobo kple Yosef dada, kple Zebedeo ƒe viwo dada wole.

Mateo 27:61

Eye Maria, Magdalatɔ la, kple Maria keme la wole afima, eye wobɔbɔ nɔ anyi hedze ŋgɔ yɔdo la.

Luka 23:56

Eye wogbugbɔ yi ɖadzra atike ʋeʋẽe kple ami ɖo. Ke wodzudzɔ le Sabat dzi le se la nu.

Luka 24:1

Eye le kwasiɖa ƒe ŋkeke gbãtɔ ƒe ŋdikanya la wova yɔdo la gbɔ, eye wotsɔ atike ʋeʋẽe, si wodzra ɖo la, de asi, eye amea ɖewo hã kpe ɖe wo ŋu heva.

Luka 24:22

Gawu la mia dome nyɔnua ɖewo hã, siwo de yɔdo la gbɔ ŋdikanya la, do voɖi na mí;