Mateo 27:12 - Biblia alo Ŋɔŋlɔ Kɔkɔe La Le Eʋegbe Me 1913

¹² Eye esi nunɔlagãwo kple dumegãwo tso enu la, meɖo nyaa ɖeke ŋu o.

Agbenya La

¹² Nunɔlagãwo kple Yudatɔwo ƒe dumegãwo tsɔ nya geɖewo wɔ nutsotsoe ɖe Yesu ŋuti, gake ezi ɖoɖoe kpoo. Meɖo nya ɖeka pɛ hã ŋu o.

Mateo 27:12 Mawu Ofanana

Yesaya 53:7

Wowɔ fui, ke ebɔbɔ eɖokui eye meke nu o; abe alẽ, si wokplɔ yina wuwu ge, kple alẽvi, si li kpoo le eƒe fukolawo ŋku me ene la, nenema eya hã meke nui o.

Mateo 26:63

Ke Yesu zi kpi. Eye nunɔlagã la xɔ edzi gblɔ nɛ bena: Meta Mawu gbagbe la na wò, be nagblɔe na mí nenye wòe nye Kristo, Mawuvi la!

Mateo 27:13

Tete Pilato gblɔ nɛ bena: Ɖe mèle ɖase, si ɖim wole le ŋutiwò la, sem o mahã?

Mateo 27:14

Eye meɖo nyaku ɖeka hɔ̃ hã ŋu nɛ o, ale bena mɔ̃mefia la ƒe mowɔ yaa ŋutɔ.

Luka 23:9

Eye wòbia nya geɖewoe, ke eya la meɖo ɖeke ŋu nɛ o.

Dɔwɔwɔwo 8:32

Eye nya, si xlẽm wòle la, enye esi: „Wokplɔe abe alẽ ene yina wuwu ge, eye alesi alẽ zia kpi le amesi le fu sẽm nɛ la ƒe ŋku me la, nenema ke eya hã meke eƒe nu o.

1 Petro 2:23

esime wodzui la, medzu ame ɖe eteƒe o; esime wokpe fu la, meɖo ŋɔdzi na ame o; ke etsɔe ɖe asi na amesi drɔ̃a ʋɔnu dzɔdzɔe la boŋ.