Mateo 26:72 - Biblia alo Ŋɔŋlɔ Kɔkɔe La Le Eʋegbe Me 1913

⁷² Eye wògasẽ nu kple atamkaka gblɔ bena: Nyemenya ame la o.

Agbenya La

⁷² Azɔ Petro ka atam be, “Nyemenya ŋutsu la le afi aɖeke kura o!”

Mateo 26:72 Mawu Ofanana

2 Mose 20:7

Megayɔ Yehowa, wo Mawu, ƒe ŋkɔ yakayaka o, elabena Yehowa magbe tohehe na amesi yɔa eƒe ŋkɔ dzodzro la o.

Yesaya 48:1

Misee, Yakob ƒe aƒe, mi amesiwo tso Israel ƒe ŋkɔ, eye miedzɔ tso Yuda ƒe tsidzɔƒewo, mi amesiwo taa Yehowa ƒe ŋkɔ, eye miekafua Israel ƒe Mawu la, ke menye le nya teƒe kple dzɔdzɔenyenye me o.

Zekaria 8:17

Migaɖo vɔ̃ ɖe dzi me ɖe mia nɔewo ŋu o, eye alakpatamkaka megavivi mia nu o, elabena melé fu nusiawo kafã, Yehowa ye gblɔe.

Malaki 3:5

Maɖi ʋɔnu ɖe mia ŋu, eye manye ɖasefo zãzɛ ɖe dzotɔwo kple ahasitɔwo, atam dzodzro kalawo kple amesiwo ŋea fetu ɖe eme na dɔwɔlawo, ɖe amesiwo tea ahosiwo, tsyɔ̃eviwo kple amedzrowo ɖe anyi, eye wogbem vɔvɔ̃ la ŋufi; Yehowa Zebaot ye gblɔe.

Mateo 26:71

Ke esi wòto agboa nu do go la, nyɔnudɔla bubu hã kpɔe, eye wògblɔ na amesiwo le afima bena: Amesia nɔ anyi kple Yesu, Nazaretetɔ la kpɔ.

Mateo 26:73

Eye esia megbe ʋee la amesiwo le tsitre ɖe afima la, va gblɔ na Petro bena: Nyateƒee, wò hã wo dometɔ ɖeka nènye; elabena wò nuƒoƒo le ha ɖem wò.

Mateo 26:74

Tete la wòde asi fiƒoƒode kple atamkaka me bena: Nyemenya ame la o. Eye kasia koklo ku atɔ.

Luka 22:34

Eye wògblɔ bena: Petro, mele egblɔm na wò bena: Koklo mele atɔ ku ge egbea, hafi nasẽ nu zi etɔ̃ bena, yemenyam o.