Mateo 24:19 - Biblia alo Ŋɔŋlɔ Kɔkɔe La Le Eʋegbe Me 1913

¹⁹ Ke baba na amesiwo fu le wo ƒo kple amesiwo le notsi nam le ŋkeke mawo me.

Agbenya La

¹⁹ “Baba na funɔwo kple ame siwo si vidzĩwo le le ŋkeke mawo me.

Mateo 24:19 Mawu Ofanana

2 Samuel 4:4

Eye ŋutsuvia ɖe le Saul vi Yonatan si, amesi ƒe ata tu. Exɔ ƒe atɔ̃, esime du tso Yezreel va le Saul kple Yonatan ŋuti; tete enyila tsɔe kpa hesii, eye esi wòle kplakplakpla dzi le sisim la, ege, eye wòtu; eŋkɔ nye Mefiboset.

2 Fiawo 15:16

Ɣemaɣi Menaxem tsrɔ̃ Tapuax kple nusiwo katã le eme kpakple eƒe nutowo me, elabena esi wotso Tirza va la, womeʋu agbo nɛ o, eyata wòsi wo, eye wòdze ƒo le woƒe funɔwo katã nu.

Konyifahawo 4:10

Nyɔnu, siwo ame ƒe nu wɔa nublanui na la ƒe asi ɖa woawu ŋutɔ ƒe viwo, eye wonye nuɖuɖu na wo le nye dukɔ ƒe nyɔnuvi la gblẽɣi.

Mateo 21:16

Eye wogblɔ nɛ bena: Ese nusi ame siawo le gbɔgblɔm mahã? Eye Yesu gblɔ na wo bena: Ẽ! Alo miexlẽe kpɔ bena: „Ɖeviwo kple vi nonowo ƒe nu me nèdzra kafukafu ɖo o mahã?

Mateo 24:18

eye amesi le abɔ me la, megagbugbɔ va tsɔ eƒe avɔ yii o.

Mateo 24:20

Ke miɖo gbe ɖa bena, miaƒe sisigbe nagadze vuvɔŋɔli alo Sabat-ŋkeke dzi o.

Luka 21:23

Ke baba na amesiwo fu le wo ƒo kple amesiwo le notsi nam le ŋkeke mawo me; elabena hiãkame gã lava anyigba la dzi kple dɔmedzoe na dukɔ sia.