Mateo 15:16 - Biblia alo Ŋɔŋlɔ Kɔkɔe La Le Eʋegbe Me 1913

¹⁶ Eye wògblɔ bena: Alo miawo hã ame masenugɔmewo mieganye mahã?

Agbenya La

¹⁶ Yesu bia wo be, “Ke miawo hã, miese nya sia gɔme oa?

Mateo 15:16 Mawu Ofanana

Mateo 13:51

Yesu gblɔ na wo bena: Ɖe miese nusiawo katã gɔmea? Wogblɔ ne bena: Ẽ.

Mateo 15:10

Eye wòyɔ ameha la va egbɔ gblɔ na wo bena: Miɖo to, eye miase nu gɔme.

Mateo 15:15

Eye Petro xɔ edzi gblɔ ne bena: Ɖe lo sia gome na mi.

Mateo 15:17

Alo miedze sii kpɔ bena, nusianu, si yia nu me la, eyina ɖe do me, eye wotsɔnɛ ƒua gbe ɖe kpɔxa o mahã?

Mateo 16:11

Aleke wɔ miedze sii kpo bena, menye abolo ŋuti meƒo nu le na mi o bena: Mikpɔ mia ɖokui dzi nyuie le farisitɔwo kple zadukitɔwo ƒe amɔwɔ ʋaʋã la ŋuti o mahã?

Mateo 16:9

Alo ɖe miedze si nu kpɔ oa? Eye mieɖo ŋku ame akpe atɔ̃ la ƒe abolo atɔ̃ dzi kple kevi alesi nu mielɔ o mahã?

Marko 6:52

elabena womenya ta le aboloawo nu o, ke boŋ woƒe dzime sẽ.

Marko 7:18

Eye wògblɔ na wo bena: Ale miawo hã mienye ame masenugɔmewoe nye esi mahã? Alo miedze sii kpɔ bena, nusianu, si tsoa gota yina ɖe ame me la, mate ŋu aƒo ɖii o;

Marko 9:32

Ke woawo la womese nya sia gɔme o, eye wova le ebiabia ŋuti.

Luka 18:34

Eye womese nusiawo dometɔa ɖeke gɔme o, eye nya sia le ɣaɣla ɖe wo, eye womedze si nusiwo wògblɔ la o.

Luka 24:45

Tete woʋu woƒe tame, bena wòase ŋɔŋlɔawo gome;

Luka 9:45

Ke woawo la womese nya sia gɔme o, eye wòle ɣaɣla ɖe wo bena, ne womagadze sii o, eye wova le nya sia biabia ŋuti.

Hebritɔwo 5:12

Elabena ele na mi be, mianye nufialawo le ɣeyiɣi la ƒe didi nu; gake egahiã mí be, woagafia nusiwo nye Mawu ƒe nyawo ƒe gɔmedzenuwo mi, eye míezu abe amesiwo gahiã notsi ko, eye menye nuɖuɖu sesẽ o la ene.