Marko 14:54 - Biblia alo Ŋɔŋlɔ Kɔkɔe La Le Eʋegbe Me 1913

⁵⁴ Eye Petro le eyome ʋĩ gbɔna vaseɖe nunɔlagã la ƒe mɔ̃ me, eye wòbɔbɔ nɔ dɔlawo gbɔ le dzo ƒum.

Agbenya La

⁵⁴ Petro nɔ adzɔge ʋĩi le Yesu yome. Esi wòva ɖo nunɔlagã la ƒe aƒe me la, eto nu xa dzaa ge ɖe aƒea me eye wòyi ɖanɔ anyi ɖe subɔla gbɔ nɔ dzo ƒum.

Marko 14:54 Mawu Ofanana

1 Fiawo 19:13

Esime Eliya see la, etsɔ eƒe mo de eƒe awu ʋlaya me, eye wòdo go va tsi tre ɖe agado la nu, eye kpɔ ɖa, gbea ɖe va egbɔ gblɔ bena: Eliya, nuka wɔm nèle le afisia?

1 Fiawo 19:9

Afima wòyi ɖe agadoa ɖe me le ɖatsi afima dɔ. Eye kpɔ ɖa, Yehowa ƒe gbe va egbɔ hegblɔ nɛ bena: Eliya, nuka wɔm nèle le afisia?

Mateo 26:3

Tete nunɔlagãwo kple dumegãwo va kpe ta ɖe nunɔlagã, si ŋkɔ nye Kayafa la, ƒe mɔ̃ la me;

Mateo 26:58

Ke Petro le eyome ʋĩ gbɔna vaseɖe nunɔlagã ƒe mɔ̃ la gbɔ, eye wòyi ɖe eme, eye wòbɔbɔ nɔ anyi ɖe dɔlawo gbɔ, bena yeakpɔ alesi woawu nui.

Marko 14:38

Minɔ ŋudzɔ, eye mido gbe ɖa, bena miagadze tetekpɔ me o! Gbɔgbɔ la le lɔlɔ̃m, gake ŋutilã la gbɔdzɔ.

Marko 14:66

Eye esi Petro le mɔ̃ la me le anyigba la, nunɔlagã la ƒe nyɔnudɔlawo dometɔ ɖeka gbɔna,

Luka 22:44

Eye le eƒe ʋiʋli me la edo gbe ɖa vevie gawu, eye wòva ve me bena, eƒe fifia le abe ʋukɔwo ene hele gegem ɖe anyigba toŋtoŋ.

Luka 22:54

Eye esi wòlée la, wokplɔe heyi ɖe nunɔlagã la ƒe me. Ke Petro dze eyome ʋi gbɔna.

Yohanes 18:18

Eye kluviawo kple dolawo le tsitre, eye wodo akadzo; elabena vuvɔ le wɔwɔm, eye wole dzo la ƒum, eye Petro hã tsi tre ɖe wo gbɔ le dzo la ƒum.

Yohanes 18:25

Ke Simon Petro le tsitre le dzo ƒum. Eye wogblɔ nɛ bena: Alo wò hã eƒe nusrɔ̃lawo dometɔ ɖeka nènye mahã? Eyama sẽ nu gblɔ bena: Menye nyee o.

1 Samuel 13:7

Eye Hebritɔwo tso Yordan yi Gad-nyigba kple Gilead-nyigba dzi; ke Saul gale Gilgal ke, eye dukɔ blibo la le dzodzom nyanyanya le eyome.