Malaki 2:7 - Biblia alo Ŋɔŋlɔ Kɔkɔe La Le Eʋegbe Me 1913

⁷ Elabena nunɔla ƒe nuyiwo nedzra sidzedze ɖo, eye woadi nufiame le eƒe nu me; elabena Yehowa Zebaot ƒe ame dɔdɔ wònye.

Agbenya La

⁷ “Ele be Mawu ƒe nya kple nunya nado go tso nunɔla nu ɣe sia ɣi ale be amewo nasrɔ̃ Yehowa ƒe sewo tso egbɔ, elabena nunɔlae nye Yehowa Dziƒoʋakɔwo ƒe Aƒetɔ la ƒe dɔla, eye wòle be amewo nava egbɔ hena nuxɔxlɔ̃ kple afɔɖoƒefiafia wo.

Malaki 2:7 Mawu Ofanana

2 Fiawo 16:11

Eye nunɔla Uriya ɖi vɔsamlekpui la; alesi fia Axaz ɖoe ɖa tso Damasko la, nenema pɛpɛpɛ nunɔla Uriya wɔe, hafi fia Axaz gbɔ tso Damasko.

2 Fiawo 16:16

Eye nunɔla Uriya wo pɛpɛpɛ, abe alesi fia la de se ene.

2 Kronika 30:22

Eye Xizkiya ƒo nu kple Lewi-vi, siwo katã nya mɔnu le Yehowa ƒe subɔsubɔ ŋu la, xɔlɔ̃tɔe, eye woɖu ŋkekenyuie-vɔsalã la ŋkeke adre, wosa akpedavɔ, eye woʋu go wo ɖokui na Yehowa, wo fofowo ƒe Mawu la.

2 Kronika 31:4

Eye wòde se na ameha, si nye Yerusalemtɔwo, bena woana nunɔlawo kple Lewi-viwo ƒe gome wo, ne woalé ŋku ɖe Yehowa ƒe se la ŋu koŋ.

Ezra ƒe Agbalẽ 7:10

Elabena Ezra tsɔ eƒe dzi ɖo Yehowa ƒe se la me dzodzro ŋu, ne wòawɔ edzi, eye wòafia ɖoɖowo kple kɔnuwo le Israel.

Ezra ƒe Agbalẽ 7:25

Eye wò Ezra ɖo ʋɔnudrɔ̃lawo kple dzikpɔlawo le wò Mawu ƒe nya, si le asiwò la nu, ne woadrɔ̃ ʋɔnu dukɔ, si katã le tɔsisi la ƒe go keme dzi, amesiwo katã nya wò Mawu ƒe seawo, eye amesi ke menya wo o la, mifia woe.

Lododowo 5:2

ne nadzra tamebubu ɖo, eye wò nuyiwo nalé sidzedze ɖe asi.

Nyagblɔla 5:5

Megaɖe mɔ da wò nu, ne wòahe wò ŋutilã aɖe nuvɔ̃ me o, eye megagblɔ le Mawu ƒe tame ɖɔɖɔ ŋku me be, ɖe woge le ye nu o. Nukaŋuti Mawu aɖo dɔmedzoe ɖe wò nuƒoƒo ŋu, eye wòagblẽ wò asinudɔwɔwɔa?

Yesaya 42:19

Amekae nye ŋkunɔ, ɖe menye nye dɔlae oa? Amekae nye tokunɔ abe nye amesi medɔ la enea? Amekae nye ŋkunɔ abe Mawu ƒe xɔlɔ̃ ene, eye amekae nye ŋkunɔ abe Yehowa ƒe dɔla ene?

Yesaya 44:26

eya, amesi nana eƒe dolawo ƒe nya vaa me, eye wòwɔa eƒe ame dɔdɔ ƒe aɖaŋuɖoɖo dzi; eya, amesi gblɔ na Yerusalem be, woaganɔ eme, eye wogblɔ na Yuda-duwo be, woatso wo, eye yeafɔ eƒe glikpowo ɖe tsitrenu;

Yeremia 15:19

Eyata ale Yehowa gblɔ esi: Ne ètrɔ ɖe ŋunye la, matrɔ ɖe ŋuwò, eye atsi tre ɖe ŋkunye me. Eye ne eɖe nu nyuiwo ɖe go, menye gbegblẽawo o la, ekema anye nye nu; woawo atrɔ ɖe ŋuwò, ke wòa matrɔ ɖe wo ŋu o.

Yeremia 18:18

Tete wogblɔ bena: Mina míaɖo nugbe ɖe Yeremya ŋu; elabena nufiame mabu ɖe nunɔlawo o, adaŋudede mabu ɖe nunyalawo loo, alo nya nabu ɖe nyagblɔɖilawo o. Eyata mina míatsɔ aɖe aƒo Yeremya, eye míagalé to ɖe eƒe nyawo katã ŋu o.

Yeremia 2:8

Nunɔlawo megblɔ be. Afika Yehowa le hã o. Amesiwo si me se la le la, menyam o, eye lãkplɔviwo dze aglã ɖe ŋunye, nyagblɔɖilawo gblɔ nya ɖi le Baal ƒe ŋkɔ me, eye wodze nusiwo mele ɖeke me o la yome.

Hezekiel 22:26

Eƒe nunɔlawo toa vo ɖe nye se la ŋu, eye wogblẽa kɔ ɖo na nye kɔkɔeƒe la; womedea vovo nu kɔkɔe kple nu makɔmakɔ dome o, eye womefiaa vovototo, si le nu dzadzɛ kple nu madzamadza dome o, wotsyɔa nu ŋku me ɖe nye dzudzɔgbewo, eye wogblẽa kɔ ɖo nam le wo dome.

Hezekiel 7:26

Dzɔgbevɔ̃e akplɔ dzɔgbevɔ̃e ɖo, eye ŋɔdzinya ava ɖe ŋɔdzinya yome; woadi ŋutega tso nyagblɔɖilawo si, nufiame abu ɖe nunɔlawo, eye adaŋudede de ame tsitsiwo.

Daniel 11:33

Dukɔ la ƒe ame nyanuwo afia nunya ame geɖewo; eye woatsi yi, dzo, gaxɔ kple nuxaxa si me eteƒe nadidi ʋee.

Hosea 4:6

Woatsrɔ̃ nye dukɔ, le esi sidzedze mele esi o ta; elabena èɖo vlo sidzedze, eyata nye hã mado vlo wo be, maganye nunɔla nam o; èŋlɔ wo Mawu ƒe se la he, eyata nye hã maŋlɔ viwòwo be.

3 Mose 10:11

Eye miafia ɖoɖo, siwo katã Yehowa ɖo to Mose dzi la, Israel-viwo.

Zefania 3:4

Eƒe nyagblɔɖilawonye toflokowo kple alakpatɔwo; eƒe nunɔlawo ɖo gu nu kɔkɔe la, eye woto vo ɖe se la ŋu.

Hagai 1:13

Eye Xagai, Yehowa ƒe ame dɔdɔ la, to Yehowa ƒe gbe na dukɔ la bena: Ale Yehowa gblɔ esi: Meli kpli mi.

Zekaria 7:3

eye woabia nunɔlawo kple nyagblɔɖilawo, siwo le Yehowa Zebaot ƒe me la, agblɔ bena: Ɖe mafa avi atsi nu aɖɔ le dzinu atɔ̃lia me, abe alesi mewɔ ƒe geɖe xoxo enea?

Malaki 3:1

Kpɔ ɖa, mele nye dɔla dɔ ge ɖa, ne wòata mɔ le ŋgɔnye, eye Aƒetɔ, si ta biam miele la, ava eƒe gbedoxɔ me zi ɖeka kpoyi, kpɔ ɖa, nubabla ƒe dɔla, si ɖim miele la, le vava ge, Yehowa ye gblɔe.

4 Mose 27:21

Ele nɛ be, wòava nunɔla Eleazar gbɔ, bena wòatsɔ Urim abia nu nɛ le Yehowa ŋku me; eye alesi wògblɔ la, eya nu woa kple Israel-viwo ƒe ha blibo la katã naho, eye woagatrɔ agbɔ ɖo.

Yohanes 13:20

Vavã, vavã mele egblɔm na mi bena: Amesi xɔa amesi ke medo ɖa la, nyee wòxɔ, eye amesi xɔam la, exɔa amesi dɔm ɖa.

Yohanes 20:21

Tete Yesu gagblɔ na wo bena: Ŋutifafa na mi! Sigbe alesi Fofo la dom ɖa ene la, nenema ke nye hã mele mia dɔm ɖa.

Dɔwɔwɔwo 16:17

Amesia dze Paulo kple mia yome, eye wòdo ɣli gblɔ bena: Nenem me siawo la, Mawu dzifoʋĩtɔ la ƒe dɔlawo wonye, amesiwo le agbexɔxɔmɔ gblɔm fia mí.

2 Korintotɔwo 5:20

Eyata azɔ míenye ame dɔdɔwo le Kristo teƒe, abe alesi Mawu le nu xlɔ̃m to mía dzi ene, eye míeɖea kuku le Kristo teƒe bena: Mina woalé avu le mia kple Mawu dome!

Galatiatɔwo 4:14

Eye tetekpɔ, si le nye ŋutilã me na mi la, miedo vloe o, eye mienyɔ ŋui o, hafi boŋ miexam abe mawudɔla alo abe Kristo Yesu ene.

5 Mose 21:5

Emegbe nunɔlawo, amesiwo nye Lewi-viwo la, nate va, elabena woawo Yehowa, wò Mawu tia, bena woasubɔe, eye Woayra ame ɖe Yehowa ƒe ŋkɔ dzi, eye alesi wogblɔ la, nenema nu woadrɔ̃ dzrenya kple avuwɔnyawo katã ɖo.

5 Mose 24:8

Kpɔ ɖokuiwò dzi le anyidɔwo ŋu, eye nale nusiwo katã nunɔla, amesiwo nye Lewitɔwo, afia wò la me ɖe asi, eye nawɔ wo dzi pɛpɛpɛ. Lé nusiwo ŋu mede se le na wò la me ɖe asi, eye nawɔ wo dzi.

1 Tesalonikatɔwo 4:8

Eyaŋuti amesi ke doa vlo esia la, menye amee wòdoa vloe o, ke boŋ Mawu, amesi na eƒe Gbɔgbɔ kɔkɔe mí lae wòdoa vloe.

1 Samuel 2:17

Eye dɔlawo ƒe vodada sɔ gbɔ le Yehowa ŋku me, elabena woɖi gbɔ Yehowa ƒe vɔsa le ameawo ŋku me.