Lododowo 10:8 - Biblia alo Ŋɔŋlɔ Kɔkɔe La Le Eʋegbe Me 1913

⁸ Amesi nunya le tagbɔ na la, xɔa sedede na eɖokui: ke bometsila si glãgbɔ li na la, ɖea eɖokui gbegblẽ me.

Agbenya La

⁸ Ame si nunya le dzi me na la xɔa sededewo, ke bometsila, nukpoloeƒola, atsrɔ̃.

Lododowo 10:8 Mawu Ofanana

Psalmowo 119:34

Na gɔmesesem, ne malé ŋku ɖe wò se la ŋu, eye malé eme ɖe asi tso dzi blibo me.

Lododowo 1:5

ne nunyala nasee, eye wòadzi eƒe nunya ɖe dzi, eye mɔ sɔsɔe nasu nugɔmesela si;

Lododowo 10:10

Amesi miãa ŋku ɖe ame la, hea dziku ve; bometsila, si glãgbɔ li na la, ɖea eɖokui gbegblẽ me.

Lododowo 10:14

Nunyalawo dzraa sidzedze ɖo; ke bometsila ƒe nu te ɖe gbegblẽ ŋu.

Lododowo 12:1

Amesi lɔ̃a amehehe la, elɔ̃a sidzedze; ke amesi léa fu mokaname la, gbemelãe.

Lododowo 12:13

Nuyiwo ƒe ɖaɖaƒu enye mɔ̃ na vɔ̃ɖitɔ la; ke ame dzɔdzɔe sina le hiã nu.

Lododowo 13:3

Amesi kpɔa eƒe nu dzi la, dzraa eƒe luʋɔ ɖo; ke amesi ke eƒe nuyiwo la, gbegblẽ aɖi kpee.

Lododowo 14:23

Agbagbadzedze hea viɖe ve; ke nu kpoloe ƒoƒo hea hiã vɛ.

Lododowo 14:8

Nunyalawo ƒe ayedzedze enye be, woalé ŋku ɖe woƒe zɔzɔme ŋu; ke bometsilawo ƒe bometsitsi enye alakpa.

Lododowo 9:8

Megaka mo na fewuɖula, ne wòalé fu wò o, ka mo na nunyala boŋ, eye alo wò.

Lododowo 9:9

Na nu nunyala, eye wòaganya nu ɖe dzi; fia nu ame dzɔdzɔe, eye wòadzi eƒe nunyanya ɖe dzi.

Nyagblɔla 10:12

Nyia, si tso nunyala nu la, nyo; ke bometsila ƒe nuyi gblẽa eya ŋutɔ ɖokui dome.

Yakobo 3:13

Amekae nye nunyala kple nugɔmesela le mia dome mahã? Eya netsɔ agbenɔnɔ nyui fia eƒe dɔwɔwɔwo le nunya ƒe dɔmefafa me.