Hosea 9:7 - Biblia alo Ŋɔŋlɔ Kɔkɔe La Le Eʋegbe Me 1913

⁷ Tohegbe ɖo, eye teƒeɖogbe ɖɔ, Israel adze sii! Nyagblɔɖila tsi bome, eye amesi si gbɔgbɔ le la, zu tsukunɔ le wò vodada gbogboawo kple fuléle geɖeawo ta.

Agbenya La

⁷ Toheɣi na Israel ɖo vɔ; nu vɔ̃ ƒe akɔntanaɣi ɖo vɔ, eye kpuie la, Israel anya nu si wònye. Esi wò nu vɔ̃wo li kɔ gleglegle, eye fuléle yɔ mewò fũu ta la, nyagblɔɖila zu bometsila, eye ame si me Mawu ƒe gbɔgbɔ le la zu tsukunɔ.

Hosea 9:7 Mawu Ofanana

2 Fiawo 9:11

Eye esi Yehu do va eƒe aƒetɔ ƒe dɔlawo gbɔ la, wobiae bena: Eme nyoa? Nya ka ta aɖaʋatɔ sia va gbɔwò ɖo? Eɖo ŋu na wo bena: Mienya ŋutsu la kple eƒe nuwɔwɔ tso!

Yesaya 10:3

Nuka miawɔ le gbesigbe wotu eŋu fe, eye gbegblẽ tso adzɔge va? Ameka miasi atso, eye afika miagblẽ miaƒe kesinɔnuwo ɖo?

Yesaya 26:11

Yehowa, wò alo le dzi, ke womelé ekpɔm o; woakpɔ ŋuʋaʋã ɖe dukɔ la ŋu, eye ŋu akpe wo, eye dzo afiã wò ketɔwo.

Yesaya 34:8

Elabena hlɔ̃biagbe, teƒeɖoɖo ƒe ƒe wònye tso Yehowa gbɔ, ne woawo avu na Zion.

Yesaya 44:25

Eya, amesi gblẽa nu kpoloe ƒolawo ƒe dzesi me, eye wòdoa bometsila afakalawo; eya, amesi nana nunyalawo gbugbɔna, eye wòdoa lã woƒe nunya;

Yeremia 10:15

Nu dzodzroawo wonye, dɔwɔwɔ, si ŋu woaɖe alɔme le la, wonye, woatsrɔ̃ le woƒe tohegbe.

Yeremia 11:23

woƒe amea ɖeke makpɔtɔ o, elabena mahe dzagbevɔ̃e ava Anatot-ŋutsuwo dzi le ƒe, si me mahe to na wo.

Yeremia 16:18

Gbagbiãgba la maxe woƒe vodadawo kple woƒe nuvɔ̃wo ŋu fe na wo zigbɔ zi eve, elabena wotso woƒe nu makɔmakɔwo ƒe kukuwo gblẽ kɔ ɖo na nye anyigba, eye wotso woƒe ŋunyɔnuwo yɔ nye domenyinu la dzi fũ.

Yeremia 23:13

Mekpɔ bometsinuwɔwɔ le nyagblɔɖila, siwo le Samaria la hã ŋu: Wogblɔ nya ɖi to Baal dzi, eye wokplɔ nye dukɔ Israel trae.

Yeremia 25:14

Elabena woawo hã asubɔ dukɔ geɖewo kple fia gãwo, eye maɖo eteƒe na wo le woƒe nu wona kple woƒe asinudɔwɔwɔwo nu.

Yeremia 29:26

Yehowa tsɔ wò ɖo nunɔla ɖe nunɔla Yoyada teƒe, ne nanye dzikpɔla le Yehowa ƒe aƒe la me ɖe amesiame, si ƒe tagbɔ gblẽ, wòle nya gblɔm ɖi la nu, eye nadee kunyowu kple ga me.

Yeremia 46:21

Amedzro, siwo nye asrafowo le wo dome, hã le abe nyivi dami ene; wo katã trɔ megbe hesi, eye womenɔ te o; elabena woƒe dzɔgbevɔ̃egbe, woƒe toheɣi va wo dzi.

Yeremia 6:14

Wotre nye dukɔ ƒe gbagbãƒe betsebetse hele gbɔgblɔm be: Ŋutifafa, ŋutifafa! evɔ ŋutifafa meli o hafi.

Yeremia 8:11

Wotre nye dukɔ ƒe gbagbãƒe betsebetse hele gbɔgblɔm be: Ŋutifafa, ŋutifafa; evɔ wònye ŋutifafaa ɖeke meli o hafi.

Konyifahawo 2:14

Wò nyagblɔdilawo gblɔ alakpanya kple nya mastatsa ɖi na wò, eye womeklo nu le wò vodadawo dzi, ne woagaɖo wò te o, ke boŋ wogblɔ alakpanya kple ameflunya ɖi na wò.

Hezekiel 13:10

Elabena wokplɔ nye dukɔ la trae hele gbɔgblɔm be „ŋutifafa“, evɔ wònye ŋutifafaa ɖeke meli o hafi. Dukɔ la ɖo gli, eye woawo si akalo nɛ.

Hezekiel 13:3

Ale Aƒetɔ Yehowa gblɔ esi: Baba na nyagblɔɖila tsibomewo, amesiwo dze woawo ŋutɔ ƒe dzi kple nusi womekpɔ o la yome!

Hezekiel 25:17

Mabia hlɔ̃ gã wo, eye mahe to na wo le dziku me, ne wòadze sii be, nyee nye Yehowa, nenye be, mebia hlɔ̃ wo.

Hezekiel 38:23

Mado gã ɖokuinye, makɔ ɖokuinye ŋu, eye maɖe ɖokuinye afia le dukɔ geɖewo ŋku me, ne woadze sii be, nyee nye Yehowa.

Hezekiel 9:10

Eyata nye hã nye ŋku makpɔ nublanui o, eye nyemakpɔ wo la o, ke boŋ mahe woƒe zɔzɔme ava woƒe ta dzi.

Hosea 14:1

Esi Samaria sẽ to ɖe eƒe Mawu ŋu la, eyata akpɔe ɖe enu; woatsi yi nu, woaxlã woƒe vidzĩewo ɖe nu, eye woadze ƒo le woƒe funɔwo nu.

Hosea 5:9

Efrayim azu gbegbe le tohegbe; nusi megblɔ ɖe Israel ƒe toawo ŋu la, le eteƒe.

Hosea 8:13

Wowu nye vɔsalãwo, ne woaɖu lã; woƒe nu medze Yehowa ŋu o Azɔ aɖo ŋu woƒe voɖaɖawo, ahe to na wo le woƒe nuvɔ̃wo ta, eye woagagbugbɔ ayi Egipte.

Hosea 9:8

Gbetakpɔ la enye Efrayim de nye Mawu ŋu; mɔ̃ka enye nyagblɔɖila le eƒe toƒewo katã, eye fuléle le eƒe Mawu ƒe aƒe me!

Amos 8:2

Eye wògblɔ nam bena: Amos, nuka kpɔm nèle? Meɖo ŋu be: Kutsetse ɖiɖi kusi taŋ. Tete Yehowa gblɔ nam bena: Nye dukɔ Israel ɖiɣi ɖo, nyemagatsɔe akee azɔ o.

Mika 2:11

Ne amea ɖe le ya yome lelele, eye wòɖa alakpa be: „Magblɔ nya na mi le wein kple aha muame ŋu“ la, eya anye nyagblɔla asɔe na dukɔ sia.

Mika 7:4

Ame nyuitɔ le wo dome le abe ŋu ene, eye nuteƒewɔla vɔ̃ɖi wu aŋɔka. Le wò gbetakpɔlawo ƒe ŋkekea dzi la tohehe ava na wò; azɔ tɔtɔ aɖo wo dome.

Zefania 3:4

Eƒe nyagblɔɖilawonye toflokowo kple alakpatɔwo; eƒe nunɔlawo ɖo gu nu kɔkɔe la, eye woto vo ɖe se la ŋu.

Marko 3:21

Eye esi etowo see la, wodo go yi ele ge; elabena wogblɔ be: Eƒe tame da!

Luka 21:22

Elabena ŋkeke siawo nye hlɔ̃biabiaŋkekewo, bena woawu nusiwo katã woŋlɔ ɖi la nu.

2 Korintotɔwo 5:13

Elabena ne míaƒe tame da la, eda na Mawu; ne tame nyui li na mí la, mia tae.

Nyaɖeɖefia 16:19

Eye du gã la ma ɖe akpa etɔ me, eye dukɔwo ƒe duwo mũ; eye woɖo ŋku Babilon gã la dzi le Mawu ƒe ŋku me, bene woana eƒe dɔmedzoedziku ƒe ahakplui, ne wòano.