Hosea 8:8 - Biblia alo Ŋɔŋlɔ Kɔkɔe La Le Eʋegbe Me 1913

⁸ Woami Israel; azɔ woanɔ dukɔwo ɖome abe ze ɖigbɔ ene.

Agbenya La

⁸ Israel gbã gudugudu, ɖeko wòle dukɔwo dome abe nu maɖinu ene,

Hosea 8:8 Mawu Ofanana

2 Fiawo 18:11

Eye Asur-fia kplɔ Israel dzoe yi Asur hetso wo ɖo Xalax kple Xabor le Gozan-tɔsisi la nu kple Media-duwo me.

Yesaya 30:14

Eye woagbã wo, abe alesi zemela ƒe ze gbãna gudugudu, ale be sonu gaglɛa ɖeke menɔa gbagbã la me, si woatsɔ aɖe dzo le adokpo me, alo woatsɔ aɖu tsii le vudo me o la ene.

Yeremia 22:28

Ɖe ze gbagbã, si ɖi gbɔ, enye Xonya sia loo, alo ze, si ƒe nu menyoa amea ɖeke ŋu o la, wònyea? Nukata wonyã eya kple viawo de gbe, eye wotsɔ wo ƒu gbe ɖe anyigba, si womenya o la dzi?

Yeremia 25:34

Mifa avi, mi lãkplɔviwo, mido aƒa, eye miƒo togotogoe, mi lãha ƒe bubumewo, elabena miaƒe azã de, ne woawu mi, eye makaka mi ahlẽ, ne mianɔ abe agba xɔasi, si ge dze anyi ene!

Yeremia 48:38

Amewo katã le nu xam le Moab ƒe xɔtawo katã kple eƒe kpɔdomeewo katã, elabena megbã Moab abe ze manyomanyo ene.

Yeremia 50:17

Israel la, alẽ, si wonyã de gbe, eye dzatawo yɔ ɖe nu la wònye; gbã la Asur-fia ɖui, emegbe Babel-fia Nebukadnezar kuko eƒe ƒuwo.

Yeremia 51:34

Babel-fia Nebukadnezar ɖu mí, etsrɔ̃ mi, eye wòtsɔ mí wɔ goe ƒuƒlui, emi mi abe ʋɔ ene, etsɔ míaƒe nu viviwo yɔ eƒe ƒodoe, eye wònyã mí de gbe.

Konyifahawo 2:16

Wò fulɔwo katã ke nu ɖe ŋuwò baa, wodo tsia heɖu aɖukli gblɔ bena: Míetsrɔ̃e! Ehɛ̃, ŋkeke, si míele mɔ kpɔm na la, enye esia, míaƒe asi su edzi, míekpɔ eteƒe kple ŋku!

Konyifahawo 2:2

Aƒetɔ la gblẽ Yakob ƒe lãnyiƒewo katã, mekpɔ wo ta o, eghã Yuɖa-nyɔnuvi ƒe mɔ̃ sesẽwo wosɔ kple anyigba le eƒe dziku me, eye wogblẽ ka ɖo na fiaɖuƒe la kple eƒe amegãwo.

Konyifahawo 2:5

Aƒetɔ la trɔ zu futɔ, etsrɔ̃ Israel, eye wòtsrɔ̃ eƒe fiasãwo katã, egblẽ eƒe mɔ̃ sesẽwo, eye wòli kɔ nuxaxa ɖe nuxaxa dzi na Yuda-nyɔnuvi.

Konyifahawo 4:2

Aleke Zion ƒe vi vevi, siwo wobuna abe sika ene la, sɔ kple sonugaglɛ, si nye zemela ƒe asinudɔwɔwɔ?

Konyifahawo 5:2

Míaƒe domenyinu ge ɖe amedzrowo si me, eye míaƒe aƒewo ge ɖe ɖu bubu me tɔwo si me.

Hezekiel 36:3

eyata gblɔ nya ɖi gblɔ bena: Ale Aƒetɔ Yehowa gblɔ esi: Esi wogblẽ mi, eye wole tsyo dam ɖe mia ŋu le goawo katã me, ne miazu dukɔ susɔeawo tɔ, eye amewo le nu ƒom le mia ŋu hele aɖeɖi ƒom mi la,

3 Mose 26:33

Maka mi ahlẽ ɖe dukɔwo dome, eye maɖi yi anɔ mia yomee, miaƒe anyigba azu gbegbe, eye miaƒe duwo azu glikpo.

Romatɔwo 9:22

Ke ne Mawu, esime wòle didim be, yeaɖe eƒe dziku ɖe go afia, eye yeana wòanya eƒe ŋusẽ la, tsɔ dzigbɔgbɔ blewu geɖe lé dziku ƒe ze, siwo wodzra ɖo ɖi hena gbegblẽ la, ɖe asi,

5 Mose 28:25

Yehowa ana wò futɔwo nasi wò, mɔ ɖeka dzi nato aho aʋa ɖe wo ŋu, ke mɔ adre dzi nato asi le wo nu, ale bena natrɔ zu bibi na anyigba dzi fiaɖuƒewo katã.

5 Mose 28:64

Yehowa aka wò ahlẽ ɖe dukɔwo katã dome, tso anyigba ƒe go ɖeka vaseɖe go keme, eye àsubɔ mawu bubu, siwo nye ati kple kpe, eye mia kple fofowòwo mienyã o la, le afima.