Hosea 7:2 - Biblia alo Ŋɔŋlɔ Kɔkɔe La Le Eʋegbe Me 1913

² Womegblɔ le woƒe dzi me kpɔ be, yewoƒe nu vɔ̃ɖi wɔwɔwo kala le ŋku dzi nam o.

Agbenya La

² Dua me tɔwo hã mede dzesii be nye ŋku le woƒe nu vɔ̃ɖiwo wɔwɔ dzi o. Woƒe nu vɔ̃ ɖe to ɖe wo godoo va kpe, eya ta mele wo katã kpɔm.

Hosea 7:2 Mawu Ofanana

Hiob ƒe Agbalẽ 34:21

Elabena etsɔ ŋku ɖo amegbetɔ ƒe mɔwo ŋu, eye wòle eƒe afɔɖeɖewo katã kpɔm.

Psalmowo 10:11

Egblɔna le eƒe dzi me be: Mawu ƒe ŋku dzo le edzi, eɣla eƒe mo, eye mele ekpɔ ge akpɔ gbeɖegbeɖe o.

Psalmowo 25:7

Megaɖo ŋu nye ɖevimenuvɔ̃wo kple nye dzidadawo o, ke boŋ ɖo ŋku dzinye le wò amenuveve kple wò dɔmenyo ta, Yehowa!

Psalmowo 50:22

Mi, amesiwo ŋlɔ Mawu be, midze si esia dzro, ne nyemagavuvu nu, eye ɖelaa ɖeke manɔ anyi o!

Psalmowo 9:16

Dukɔwo ge dze ɖo, si woawo ŋutɔ woɖe la me, eye ɖɔ, si woɖo di la, ɖe woƒe afɔ.

Psalmowo 90:8

Etsɔ míaƒe vodadawo ɖo wò ŋku me, kple míaƒe nu ɣaɣlawo ɖo wò mo ƒe kekeli nu.

Yesaya 1:3

Nyitsu nyaa etoa, eye tedzi nyaa eƒe aƒetɔ ƒe lãto; ke Israel menyae o, eye nye dukɔ melé ŋku ɖe eŋu o.

Yesaya 26:16

Yehowa, wodi wò le hiã me, eye esi wò tohename va wo dzi la, wotrɔ woƒe dzi me nya wo ƒo ɖe anyi.

Yesaya 44:19

Amea ɖeke mebua ta me, eye wòkpɔ sidzedze kple gɔmesese o, ne wòagblɔ be: Metsɔ afã do dzoe, meƒo abolo ɖe eƒe akawo dzi, eye metɔ lã ɖu tso; ɖe matsɔ mamlea awɔ ŋunyɔnui, eye ɖe maɖo gbe na atikpoa?

Yesaya 5:12

Kasaŋkuwo, saŋkuwo, asiʋuiwo kple dzewo kpakple wein kpena ɖe woƒe aglotutu la ŋu; ke womeɖea ŋku ɖe Yehowa ƒe dɔwɔwɔ o, eye womekpɔa eƒe asinudɔwɔwɔ o.

Yeremia 14:10

Ale Yehowa gblɔ na dukɔ sia enye si: Tsa glãla tsatsa nyo wo ŋu, eye womexe mɔ na woƒe afɔwo o, eyata woƒe nu menyo Yehowa ŋu o ɖo; azɔ aɖo ŋu woƒe vodadawo, eye wòahe to le woƒe nuvowo ta.

Yeremia 16:17

Elabena nye ŋku le woƒe mɔwo katã ŋu, womeɣla ɖem o, eye woƒe vodadawo mebe ɖe nye ŋkuwo o.

Yeremia 17:1

Wotsɔ ganuŋlɔnu kple lotamekpe tsutsuẽ ŋlɔ Yuda ƒe nuvɔ̃wo ɖe woƒe dzi ƒe nuŋlɔkpe dzi kple woƒe vɔsamlekpuiwo ƒe dzowo ŋu.

Yeremia 2:19

Wò vɔɖinyenye aka mo na wo, eye wò godzedze ahe to na wò, ne nadze sii, eye nakpɔ, alesi wòvɔ̃ɖii, eye wòvenae be, nègblẽ Yehowa, wò Mawu la ɖi, eye vɔvɔ̃a ɖeke mele ŋunye na wò o, Aƒetɔ Yehowa Zebaot ye gblɔe!

Yeremia 32:19

amesi ƒe aɖaŋudede kpe, eye eƒe nuwɔwɔ sɔ gbɔ, wò amesi ƒe ŋkuwo le te ɖe amegbetɔviwo ƒe mɔwo katã ŋu, ne nawɔ na amesiame le eƒe mɔwo kple eƒe nuwɔnawo ƒe kutsetse nu;

Yeremia 4:18

Wò zɔzɔme kple wò nuwɔnawoe wɔ esia wò, wò vɔ̃ɖiwɔwɔe wɔ esia, eve kaɖikaɖi, eye ade dzigbɔ ke na wò.

Yeremia 44:21

Ɖe menye miaƒe dzudzɔ, siwo mia kple mia fofowo, miaƒe fiawo kple miaƒe amegãwo kpakple dukɔ hahoo la miedo le Yuda-duwo me kple Yerusalem-kpɔdomeewo la dzi Yehowa ɖo ŋkui, eye wova ta me nɛ oa?

Hezekiel 21:29

Eyata ale Aƒetɔ Yehowa gblɔ esi: Esi mieɖo ŋu miaƒe vodadawo, eye miaƒe tosesẽwo dze go, be wokpɔ miaƒe nuvɔ̃wo le miaƒe nuwɔnawo me, esi woɖo ŋku mia dzi la, eyata asi atu mi.

Hosea 12:2

Efrayim melɔ̃a nu le ya gbɔ o, eye wòtia ɣedzeƒeya yome; ele alakpadada kple ŋutasesẽ dzim de dzi gbesiagbe, eɖua dzo kple Asur, eye wòɖoa ami ɖe Egipte.

Hosea 4:9

Ava me na nunɔla abe dukɔ la ene; mahe to nɛ le eƒe zɔzɔme ta, eye maɖo eƒe nuwɔnawo teƒe nɛ.

Hosea 6:2

Agbɔ agbe mí le ŋkeke eve megbe, eye le ŋkeke etɔ̃agbe la afɔ mí ɖe tsitrenu, ne míanɔ agbe le eŋku me.

Hosea 8:13

Wowu nye vɔsalãwo, ne woaɖu lã; woƒe nu medze Yehowa ŋu o Azɔ aɖo ŋu woƒe voɖaɖawo, ahe to na wo le woƒe nuvɔ̃wo ta, eye woagagbugbɔ ayi Egipte.

Hosea 9:15

Wowɔ woƒe nu vɔ̃ɖiwo katã le Gilgal; afima melé fu wo le le woƒe nuwɔna vɔ̃ɖiwo ta; manyã wo atso aƒenye me, eye nyemagalɔ̃ wo azɔ o; woƒe amegãwo katã nye aglãdzelawo.

Hosea 9:9

Wogbẽ wòtso me abe le Gibea ŋɔli ene; ado ŋu woƒe vodadawo, eye wòahe to le woƒe nuvɔ̃wo ta.

Amos 8:7

Yehowa ta nu ɖe Yakob ƒe dada ŋu be: Nyematsɔ woƒe nuwɔnawo katã ake wo akpa gbeɖe o!

Yona 1:2

Tso, nayi Niniwe, du gã la me, eye nagblɔ nya ɖi ɖe eŋu; elabena woƒe nu vɔ̃ɖi wɔwɔ va ŋkunye me.

4 Mose 32:23

Ke ne miewɔ alea o la, ekema miewɔ nuvɔ̃ ɖe Yehowa ŋu, eye míakpɔ miaƒe nuvɔ̃wo tɔ nua.

Luka 12:2

Ke wometsyɔ nu naneke dzi, si womele ɖeɖe ge ɖe go o, eye naneke mele ɣaɣla, si womele nyanya ge o.

1 Korintotɔwo 4:5

Eyata migadrɔ̃ ʋɔnu naneke, hafi ɣeyiɣi la nava ɖo o, halase esime Aƒetɔ la ava, amesi ahe viviti me nya ɣaɣlawo ava kekeli nui, eye wòaɖe dzimedaŋudedewo ɖe go afia la, ekema amesiame akpɔ kafukafu tso Mawu gbɔ.

5 Mose 32:29

Ɖe wònye nunyalawo wonye la, ne wodze si nusia, eye ne wobu nusi ava dzɔ de wo dzi la ŋu.

Hebritɔwo 4:13

eye nuwɔwɔa ɖeke mele ɣaɣla le eƒe ŋku me o; ke boŋ woklo nu le nuwo katã dzi, eye wotsi ƒeƒle le amesi gbɔ miaƒe nya le la ŋku me!