Hosea 5:12 - Biblia alo Ŋɔŋlɔ Kɔkɔe La Le Eʋegbe Me 1913

¹² Ke agbagblaʋuie menye na Efrayim, eye ŋɔ ɖunue menye na Yuda ƒe aƒe la.

Agbenya La

¹² Maɖu Efraim, agblẽ edome abe ale si gbagbladza ɖua avɔe ene, eye magblẽ Yuda dome abe ale si ŋɔ ɖua aŋgba ene.

Hosea 5:12 Mawu Ofanana

Hiob ƒe Agbalẽ 13:28

evɔ wònye menyunyɔ abe nu ŋɔɖua kple avɔ, si agbagblaʋui du la, ene hafi.

Psalmowo 39:11

Ɖe wò hiãkame ɖa le ŋunye, wò asi ƒe avuwɔwɔ kplim na metsrɔ̃.

Lododowo 12:4

Nyɔnu zãzɛ enye fiakuku na srɔ̃a; ke nyɔnu ŋukpenanuwɔla enye ŋuɖui le eƒe ƒuwo me.

Yesaya 5:24

Eyata woƒe ke azu nu nyunyɔ abe ahɔ̃liti takpoe, si dzo ƒe aɖe fiã, kple gbe ƒuƒu, si nye afi ɖe dzo me la ene, eye woƒe seƒoƒo ami ya abe ʋuʋudedi ene, elabena wogbe Yehowa Zebaot ƒe nufiame, eye woɖe alɔme le Israel ƒe kɔkɔeto la ƒe nyawo ŋu.

Yesaya 50:9

Kpɔ ɖa. Aƒetɔ Yehowa axɔ nam; amekae abu fɔm ma? Kpɔ ɖa, wo katã anyunyɔ abe avɔ ene, eye agbagblaʋui aɖu wo.

Yesaya 51:8

Elabena agbagblaʋui aɖu wo abe avɔ ene, eye tsiƒomee aɖu wo abe kuntru ene; ke nye dzɔdzɔenyenye anɔ anyi tegbee, eye nye xɔname anɔ dzidzimewo katã me.

Yona 4:7

Ke esi agu dze le ŋkeke evelia dzi la, Mawu do ŋɔ wòva du treklɔnu la woku.