Hosea 1:7 - Biblia alo Ŋɔŋlɔ Kɔkɔe La Le Eʋegbe Me 1913

⁷ Ke makpɔ nublanu: na Yuda ƒe aƒe la, eye maxa na wo to Yehowa, woƒe Mawu la dzi, menye dati, yi kple aʋawɔwɔ, sɔwo kple sɔdolawo matsɔ axa na wo o.

Agbenya La

⁷ gake makpɔ nublanui na Yuda. Nye ŋutɔ mawɔ aʋa kple woƒe futɔwo, aɖe wo le woƒe asi me, gake menye to dati, yi, aʋawɔnuwo, sɔ kple sɔdolawo dzi o, ke boŋ to Yehowa, woƒe Mawu la dzi.”

Hosea 1:7 Mawu Ofanana

2 Fiawo 19:29

Eye esia anye dzesi na wò. Le ƒe sia me la miaɖu nusiwo mie le wo ɖokui si, eye le ƒe evelia me la miaɖu flu me nuwo, eye le ƒe etɔ̃lia me la miaƒã nu aŋe nu, eye miade weingblewo aɖu wo me kutsetsewo.

2 Fiawo 19:34

Makpɔ du sia ta, eye maɖee, le nye ŋutɔ kple nye dɔla Dawid ta.

2 Fiawo 19:35

Eye wòva me le zã ma me be, Yehowa ƒe dɔla do ɖawu ame akpe alafa ɖeka kple blanyi vɔ atɔ̃ le Asurtɔwo ƒe asaɖa me. Esi wofɔ ŋdi kanya la, kpɔ ɖa, ame kukuwo sɔŋ koe li.

2 Fiawo 6:18

Esi woɖi abu va egbɔ la, Elisa do gbe ɖa na Yehowa gblɔ bena: Na ameha sia ƒe ŋku nagbã! Eye wòna woƒe ŋkuwo gbã le Elisa ƒe nya la nu.

Psalmowo 33:16

Fia ƒe dziɖuɖu mele aʋakɔ kpaŋkpaŋ me o, eye ŋusẽ geɖe meɖea kalẽtɔ o.

Psalmowo 44:7

Elabena nyemele ŋu ɖom ɖe nye dati ŋu o, eye menye yie axɔ num o;

2 Mose 14:13

Ke Mose gblɔ na dukɔ la bena: Migavɔ̃ o, milé dzi ɖe ƒo, eye miakpɔ, alesi Yehowa le mia ɖe gee egbe; elabena Egiptetɔ, siwo kpam miele egbea la, miegale wo kpɔ ge alea gbeɖegbeɖe akpɔ o.

2 Mose 14:30

Gbemagbe Yehowa ɖe Israel tso Egiptetɔwo si me, eye Israel kpɔ Egiptetɔwo ƒe kukuwo le ƒutsia nu.

Yesaya 12:2

Kpɔ ɖa, Mawu enye nye xɔname, dzi le ƒonye, nyemavɔ̃ o; elabena nye ŋusẽ kple nye hadzidzi enye Yehowa, ẽ, Yehowa, eye eya zu nye xɔname!

Yesaya 30:18

Eyata Yehowa le lalam, be yeave mia nu, eyata wotso, be yeakpɔ nublanui na mi; elabena ʋɔnudɔdrɔ̃ ƒe Mawu enye Yehowa. Woayra amesiwo katã kpɔa esinu!

Yesaya 49:6

Egblɔ bena: Nu tsɛ wònye be, nènye nye dɔla, ne nafɔ Yakob ƒe toawo ɖe tsitrenu, eye nakplɔ Israel ƒe amesiwo woɖe la agbɔe; metsɔ wò ɖo kekeli na dukɔwo hã, ne nanye nye xɔname vaseɖe anyigba ƒe mlɔenu ke.

Yesaya 7:14

Eyata Aƒetɔ la ŋuta ana dzesi mi: Kpɔ ɖa, ɖetugbi afɔ fu, eye wòadzi ŋutsuvi ana ŋkɔe be „Mawu li kpli mí“.

Yeremia 25:5

Egblɔ bena. Amesiame netrɔ tso eƒe mɔ vɔ̃wo dzi kple eƒe nuwɔna vɔ̃ɖiwo me, ne miano anyigba, si Yehowa tsa na mia kple mia fofowo tso mavɔ me yi mavɔ me la dzi.

Yeremia 25:6

Migadze mawu fufuwo yome, ne miasubɔ wo ahade ta agu na wo o, eye migatsɔ miaƒe asinudɔwɔwɔwo do dziku nam o, ekema nyemawɔ vɔ̃a ɖeke mi o.

Yeremia 33:26

anye ne magbe Yakob kple nye dɔla Dawid ƒe ƒome, ale be nyemaɖe dziɖula tso eƒe ƒome aɖo Abraham, Isak kple Yakob ƒe ƒome la nu o. Elabena megale wo ɖo ge te, eye makpɔ nublanui na wo.

Hosea 1:8

Esi Amemalɔ̃e ɖi no nu la, egafɔ fu dzi ŋutsuvi.

Zekaria 4:6

Tete wòɖo ŋu gblɔ nam bena: Yehowa ƒe gbe na Zerubabel enye si: Mava me to aʋa-kɔ alo ŋusẽ me o, ke hoŋ to nye gbɔgbɔ dzi, Yehowa Zebaot ye gblɔe!

1 Samuel 17:47

eye ameha blibo sia nadze sii bena, Yehowa metsɔa yi alo akplɔ ɖea ame o; elabena aʋa enye Yehowa tɔ, eye eyae atsɔ mi ade asi na mí.