Hebritɔwo 9:4 - Biblia alo Ŋɔŋlɔ Kɔkɔe La Le Eʋegbe Me 1913

⁴ esi me sikadzudzɔmlekpui kple nubablaɖaka, si ŋu wofa sika ɖo kpe ɖo la le, eye eya me sikaze, si me mana le kple Aron ƒe atikplɔ, si ƒo se, kple nubabla ƒe nuŋlɔkpeawo le.

Agbenya La

⁴ Nu siwo le xɔ sia mee nye Sikavɔsamlekpui kple aɖaka si woyɔna be nubablaɖaka. Wofa sika ɖe aɖaka sia ŋuti kpe ɖo. Le aɖaka sia me la, míakpɔ kpe eve siwo dzi woŋlɔ se ewoawo ɖo, eye sikazɔ si me mana le la hã le aɖaka la me hekpe ɖe Aron ƒe atikplɔ si ƒo se la ŋuti.

Hebritɔwo 9:4 Mawu Ofanana

1 Fiawo 7:50

Etsɔ sika nyuitɔ wɔ agbawo, hɛwo, ʋutrewo, gatsiwo kple nutɔgbawoe, eye wòtsɔ sika wɔ xɔ emetɔ, si nye kɔkɔeƒe ƒe kɔkɔeƒe la ŋu ʋɔtru kple dodonuxɔ la ƒe ʋɔtru ŋuti megbegawoe.

1 Fiawo 8:21

Eye mewɔ teƒe na aɖaka la, si me nu, si Yehowa bla kple mia fofowo, esime wòkplɔ wo tso Egipte-nyigba dzi la le.

1 Fiawo 8:9

Naneke mele aɖaka la me o, negbe kpe eve, siwo Mose tsɔ de eme le Xoreb gbɔ, afisi Yehowa bia nu kple Israel-viwo le, esime woʋu tso Egipte-nyigba dzi la koe.

2 Kronika 5:10

Naneke mele aɖaka la me o, negbe kpe eve, siwo Mose tsɔ de eme le Xoreb-to la gbɔ, esime Yehowa bla nu kple Israel-viwo, le esime woʋu tso Egipte la koe.

2 Mose 26:33

Ku xɔmetsovɔ la ɖe kuntru gbãtɔwo ƒe kpeƒe, eye natso nubablaɖaka la ada ɖe xɔmetsovɔ la godo, eye xɔmetsovɔ la natsɔ kɔkɔeƒe la kple kɔkɔeƒewo ƒe kɔkɔeƒe la me na mi.

2 Mose 31:18

Eye esi wòƒo nu kple Mose le Sinai-toa dzi vɔ la, etsɔ kpe eveawo, siwo dzi sea le la ne, kpe, siwo dzi Mawu ŋutɔ tsɔ eƒe asibide ŋlɔ nui ɖo.

2 Mose 32:15

Eye Mose trɔ heɖi tso to la dzi, eye kpe eve, siwo dzi woŋlɔ seawo ɖo la, le esi; woŋlɔ nu ɖe kpeawo ƒe axawo kple eve.

2 Mose 34:29

Esi Mose di tso Sinai-toa dzi la, kpe eveawo, siwo dzi sea le la, le esi. Esi Mose ɖi tso toa dzi la, menyae bena, esi wòƒo nu kple ye la, yeƒe mo de asi keklẽ me o.

2 Mose 37:25

Eye wòtsɔ xe kpa dzudzɔdovɔsamlekpui, eɖiɖi abɔklugui ɖeka, eye wokeke abɔklugui ɖeka, dzogoe ene me wòle, eye wòkɔ abɔklugui eve, eƒe dzowo wɔ ɖeka ɖe eŋu.

2 Mose 39:35

nubablaɖaka la, eŋu kpoawo kple nutsyɔnu la,

2 Mose 40:3

Tsɔ nubablaɖaka la da ɖe eme, eye natsɔ xɔmetsovɔ la axe aɖaka la ŋku me.

3 Mose 16:12

eye wòatsɔ sonu aɖe dzoka xɔxɔ le vɔsamlekpui la dzi le Yehowa ŋku me, eye woaku dzudzɔdonu, si wotsɔ atike ʋeʋẽe wɔe, eye wotoe memee la, asiʋlo eve ava xɔmetsovɔ la godo.

4 Mose 17:10

Mide megbe le ha sia ŋu, ne matsrɔ̃ wo zi ɖeka! Tete wotsyɔ mo anyi.

4 Mose 17:5

hena ŋkuɖoɖodzi na Israel-viwo, bena ame tutɔa ɖeke, amesi metso Aron ƒe dzidzimeviwo dome o la, magate va, be yeatɔ dzo dzudzɔdonu le Yehowa ŋku me, eye wòava me nɛ abe Korax kple eƒe ha la ene o; abe alesi Yehowa de se nɛ to Mose dzi ene.

4 Mose 17:8

Eye esi Mose kple Aron wova Mawu ƒe agbadɔ la ŋgɔ la,

5 Mose 9:11

Le ŋkeke blane kple zã blane megbe la Yehowa tsɔ kpe eveawo, siwo nye nubabla ƒe kpeawo la nam.

5 Mose 9:9

Esi meyi to la dzi, be maxɔ kpeawo, esiwo dzi nusi Yehowa bia kpli mi le la, metsi to la dzi ŋkeke blane kple zã blane abolo maɖumaɖu kple tsi manomano;

Nyaɖeɖefia 11:19

Eye wotu mawuxɔ, si le dziƒo, eye wokpɔ eƒe nubablaɖaka le eƒe xɔ la me, eye dzikedzowo kple gbeɖiɖiwo kple dziɖegbewo kple anyigbaʋuʋu kple tsikpe gãwo va dzɔ.

Nyaɖeɖefia 8:3

Eye mawudɔla bubu va, eye wòtsi tre ɖe vɔsamlekpui la gbɔ, eye sikadzudzɔdosonu le esi, eye wotsɔ atike ʋeʋẽe geɖe nɛ, bene wòatsɔe akpe ɖe ame kɔkɔewo katã ƒe gbedodoɖawo ŋuti ada ɖe sikavɔsamlekpui, si le fiazikpui la ŋgɔ la dzi.