Hebritɔwo 9:21 - Biblia alo Ŋɔŋlɔ Kɔkɔe La Le Eʋegbe Me 1913

²¹ Eye nenema ke wòtsɔ ʋu la wu ɖe agbadɔ kple mawusubɔnuawo katã ŋu.

Agbenya La

²¹ Nenema ke wòhlẽ ʋu ɖe agbadɔ la kple nu siwo katã ŋuti dɔ wowɔna le subɔsubɔ me la ŋuti.

Hebritɔwo 9:21 Mawu Ofanana

2 Mose 24:6

Eye Mose ku ʋu la ƒe afã ɖe ze me, eye wõhlẽ ʋu la ƒe afã ɖe vɔsamlekpui la ŋu.

2 Mose 29:12

Eye nade asibide nyitsu la ƒe ʋu me asisi ɖe vɔsamlekpui la ƒe dzowo ŋu, ke natsɔ ʋu mamlea katã akɔ ɖe vɔsamlekpui la te.

2 Mose 29:20

Eye nawu agbo la atsɔ eƒe ʋu asisi ɖe Aron kple viaŋutsuawo ƒe nuɖusi togboewo, nuɖusi-degblefetsuwo kple nuɖusifɔ-degblefetsuwo ŋu, eye natsɔ ʋu mamlea awu ɖe vɔsamlekpui la ŋu godoo ava kpe.

2 Mose 29:36

Gbesiagbe nawu nyitsu ɖeka hena nuvɔ̃ŋutivɔsa, abe avulenu ene. Eye naɖe nuvɔ̃ ɖa le vɔsamlekpui la ŋu to avulénuwo meme le edzi me, eye nasi ami ne awɔe kɔkɔe.

2 Mose 40:9

Tsɔ ami sisi la si na nɔƒe la kple nusiwo katã le eme, eye nakɔ eya ŋutɔ kple eŋu nuwo katã ŋu, bena woazu kɔkɔe.

3 Mose 8:15

Emegbe Mose wui, eye wotso eƒe asibide sisi ʋu la ƒe ɖe ɖe vɔsamlekpui la ƒe dzowo ŋu godoo va kpe, eye wòɖe nuvɔ̃ ɖa le vɔsamlekpui la ŋu; ke ekɔ ʋu mamlea ɖe anyigba le vɔsamlekpui la gbɔ. Ale wòwɔe kɔkɔe, esi wòwɔ avulénuwo le eŋu.

3 Mose 8:19

Eye Mose wui, eye wotsa ʋu la hlẽ ɖe vɔsamlekpui la ŋu godoo va kpe.

3 Mose 9:18

Eye wòwu nyi kple agbo la hena dukɔ la ƒe akpedavɔsasa. Aron viŋutsuawo tsa ʋu la nɛ, eye wòhlẽe ɖe vɔsamlekpui la ŋu godoo va kpe.