Hagai 2:3 - Biblia alo Ŋɔŋlɔ Kɔkɔe La Le Eʋegbe Me 1913

³ Mia dometɔ susɔea, siwo kpɔ xɔ tsãtɔ ƒe atsyɔ̃ la, aleke miele esia kpɔmi? Esia meɖi naneke le mia ŋku me o ɖe!

Agbenya La

³ ‘Mia dometɔ kae ate ŋu aɖo ŋku ale si gbedoxɔ la ƒe atsyɔ̃ nɔ tsã la dzi? Aleke miele esia kpɔm fifiae? Ɖe wòɖi nane le mia ŋkumea?

Hagai 2:3 Mawu Ofanana

1 Kronika 22:5

Eye Dawid gblɔ bena: Vinye Salomo enye ɖekakpui dzaa ko, eye xɔ, si wole tutu ge na Yehowa la, ele be, wòalolo ŋutɔ, ne eƒe ŋkɔ kple bubu nade anyigbawo katã dzi, eyata maƒo nuwo nu ƒu ɖi nɛ! Ale Dawid ƒo nuwo nu ƒu taŋtaŋ hafi va ku.

Ezra ƒe Agbalẽ 3:11

Wodzi kafukafuha kple akpedaha na Yehowa be. Eƒe dɔme nyo, eye eƒe amenuveve li tegbee ɖe Israel dzi Eye ɖukɔ blibo la tso aseye sesie, esime wole Yehowa kɔfum, le esi woɖo Yehowa ƒe xɔ la gɔme anyi ŋuti.

Ezra ƒe Agbalẽ 3:12

Ke nunɔlawo kple Lewi-viwo kpakple eƒekɔwo ƒe tatɔwo dometɔ geɖewo, amegã ɖeɖi, siwo kpɔ xɔ gbãtɔ la, esi woɖo xɔ sia gɔme anyi le wo ŋku me la, wofa avi kple ɣli, ke ame geɖewo le aseye tsom hele dzidzɔ kpɔm, eye aƒa ɖe dzi hoo,

Yesaya 64:10

Dzo fiã míaƒe aƒe kɔkɔe nyo, si me mia fofowo kafu wò le, eye míaƒe nu veviwo katã gblẽ.

Hezekiel 7:20

Wotsɔ woƒe atsyɔ̃nu, siwo nye woƒe adegbeƒonuwo, wɔ legba, siwo nye woƒe ŋunyɔnuwoe, eyata mena wozu ŋunyɔnu na wo do;

Hagai 2:9

Xɔ megbetɔ ƒe atsyɔ asu gbɔ wu gbãtɔ tɔ, Yehowa Zebaot ye gblɔe! Eye made ŋutifafa teƒe sia, Yehowa Zebaot ye gblɔe!