Ester 6:10 - Biblia alo Ŋɔŋlɔ Kɔkɔe La Le Eʋegbe Me 1913

¹⁰ Tete fia la gblɔ na Haman bena: Netsɔ, natsɔ awua kple sɔ la, eye nawɔ na Yudatɔ Mardoxai, amesi bɔbɔ nɔ fia ƒe agbonu la, abe alesi negblɔ ene; eye megana naneke nato le nya, siwo katã negblɔ la me o!

Agbenya La

¹⁰ Fia la gblɔ na Haman be, “Enyo ŋutɔ! Ɖe abla nàtsɔ fiawu la kple nye sɔ la, eye nàwɔ nu si nègblɔ la tututu na Mordekai, Yudatɔ, ame si nɔa agboa nu. Wɔ nu sia abe ale si nègblɔe ene la pɛpɛpɛ!”

Ester 6:10 Mawu Ofanana

2 Fiawo 10:10

Midze sii bena, nyaa ɖeke meto le Yehowa ƒe nya, si wògblɔ ɖe Axab ƒe aƒe ŋu la me o, eye Yehowa wɔ nusi wògblɔ to eƒe dɔla Eliya dzi ta.

Ester 6:11

Eye Haman tso awu kple sɔ la, edo awua na Mardoxai, eye wòna wòdo sɔ la to dua ƒe ablɔ me, eye wòle ɣli dom le eŋgɔ be: Ale woawɔ na ŋutsu, si ŋu fia di be, yeade bubui la enye si!

Ester 6:9

emegbe woatsɔ awua kple sɔ Ia ade asi na bubumeawo, siwo nye fia: ƒe amegãwo dometɔ ɖeka la, ne wòado na ŋutsu, si ŋu fia di be, yeade bubui la, wòana wòado sɔ ato dua ƒe ablɔ me, eye wòanɔ ɣli dom le eŋgɔ be: Ale woawɔ na ŋutsu, si ŋu fia di be yeade bubui enye si!

Psalmowo 31:24

Milɔ̃ Yehowa, mi eƒe ame kɔkɔewo katã; Yehowa kpɔa anukwaretɔwo ta, ke eɖoa teƒe na dadalawo wòsɔa gbɔ.

Luka 14:11

Elabena amesiame, si ado eɖokui ɖe dzi la, woabɔbɔe ɖe anyi, eye amesi abɔbɔ eɖokui ɖe anyi la, woadoe ɖe dzi.

Nyaɖeɖefia 18:7

Zi geɖe alesi wòdo eɖokui ɖe dzi, eye wòdze ha la, zi geɖe ma ke miwo fui, eye mina wòafa konyi; elabena egblɔ le eƒe dzi me bena: Mebɔbɔ nɔ anyi abe fianyɔnu ene, eye nyemenye ahosi o, eye nyemegale konyi fa ge akpɔ o.