Nyagblɔla 8:4 - Biblia alo Ŋɔŋlɔ Kɔkɔe La Le Eʋegbe Me 1913

⁴ Esi wònye ŋusẽ le fia ƒe nya ŋu ta la, ameka agblɔ nɛ be: Nuka wɔm nele?

Agbenya La

⁴ Ŋusẽ gã aɖe da megbe na fia ƒe sededewo, eye ame aɖeke mate ŋu atsi tsitre ɖe eŋu alo aɖe ɖeklemi le eŋu o.

Nyagblɔla 8:4 Mawu Ofanana

2 Samuel 24:4

Ke esi fia ta tsi eƒe nya la dzi na Yoab kple aʋakplɔlawo la. Yoab kple aʋakplɔlawo dzo le fia la gbɔ, be woaɖaxlẽ Israel-dukɔ la.

1 Fiawo 1:30

Alesi meta Yehowa, Israel ƒe Mawu la, na wò gblɔ bena: Viwò Salomo azu fia ɖe yonyeme, eye wòano nye fiazikpui dzi ɖe tenyeƒe la, nenema mawɔ egbe sia!

1 Fiawo 2:25

Eye fia Salomo dɔ Benaya, Yehoyada vi ɖa woɖada nui ƒu anyi woku.

1 Fiawo 2:46

Tete fia la de se na Benaya, Yehoyada vi la, wòɖada nui ƒu anyi woku.

Ezra ƒe Agbalẽ 6:13

Esi fia Dario nya ɖo ame ɖa ko la, Tatnai, anyigba dzikpɔla le tɔsisi la ƒe go keme dzi, kple Setar-Boznai kpakple wo nɔviwo wɔ pɛpɛpɛ, ahe alesi wogblɔ ene.

Hiob ƒe Agbalẽ 9:12

Kpɔ ɖa, ehoa nu kple ke, ameka axe mɔ na? Ameka agblɔ nɛ be: Nuka wɔm nèle?

2 Mose 1:18

Tete Egipte-fia ya vixelawo vɛ, eye wòbia wo bena: Nukaŋuti miewɔ alea, eye miena ŋutsuviawo tsi agbe?

Lododowo 19:12

Fia ƒe nyanyrã le abe dzatavi ƒe gbetete ene; ke eƒe ŋudzedzekpɔkpɔ le abe zãmu le gbe dzi ene.

Lododowo 20:2

Ŋɔdzi, si le fia ŋu la, le abe dzata ƒe gbetete ene, amesi do adãe la, eto vo ɖe eya ŋutɔ ƒe agbe ŋu.

Lododowo 30:31

aʋawɔsɔ kple gbɔ̃tsu kpakple fia, si nu womate ŋu anɔ te ɖo o.

Daniel 3:15

Eyata miɖɔ ɖo! Ne miese kpẽwo, dzewo, ga kasaŋkuwo, seŋkuwo, venɔwo ƒe dzewo kple saŋku ƒomevi vovovowo ƒe ɖiɖi la, ekema miadze klo ado gbe ɖa na legba, si mewɔ la; ke ne mieɖo gbe ɖa nɛ o le ekema woatsɔ nu aƒu gbe ɖe kpodzo bibi la me enumake. Mawu kae ate ŋu aɖe mi tso asinye me?

Romatɔwo 9:20

Blewu, oo ame! Ameka nènye, wò amesi le nya hem kple Mawu la mahã? Ɖe numeme la lagblɔ na mela bena: Nukaŋuti nèmem ale mahã?