Nyagblɔla 2:5 - Biblia alo Ŋɔŋlɔ Kɔkɔe La Le Eʋegbe Me 1913

⁵ melɔ ahɔwo, eye mewɔ tsaɖiƒevewo hedo afi tseku ɖuɖua vovovowo ɖi;

Agbenya La

⁵ mewɔ abɔwo kple yaxɔƒewo, medo atiwo kple kutsetseti ɖe sia ɖe ƒomevi ɖe wo me.

Nyagblɔla 2:5 Mawu Ofanana

Nehemia 2:8

kple agbalẽ matsɔ na fia ƒe ave dzikpɔla Asaf, be wòatsɔ atiwo nam, ne matsɔ akpa mɔ̃ la ƒe agbowo, siwo le gbedoxɔ kple du la ƒe gliwo kpakple aƒe, si me yi ge mala la ŋu. Tete fia la lɔ̃ edzi nam, elabena nye Mawu ƒe asi nyui le dzinye.

Hawo ƒe ha 4:12

Nɔvinyenyɔnu, nye ŋugbetɔ enye abɔ, si ƒe ʋɔ wodo, vudo, si nu wotu nu do, kple tsidzɔƒe, si nu wotre.

Hawo ƒe ha 4:13

Wò numiemiewo nye yevuboɖabɔ, si me kutsetse nyuiwo, koferseƒoƒo kple gbe ʋeʋẽewo,

Hawo ƒe ha 4:16

Anyieheya, tso, eye dzieheya, va, naƒo ato nye abɔ me, ne eƒe ʋeʋẽ nagbagba di.

Hawo ƒe ha 5:1

Nɔvinyenyɔnu, nye ŋugbetɔ, meva nye abɔ me, meke nye mire kple atike ʋeʋẽewo, menyi nye anyixe kple anyitsi, meno nye wein kple nye notsi. Xɔ̃nyewo, miɖu nu, miano nu, nye lɔlɔ̃tɔwo, mino aha mu!

Hawo ƒe ha 6:2

Nye lɔlɔ̃tɔ yi eƒe abɔ me, yi atike ʋeʋẽe kpowo gbɔ, ne wòanyi lã le abɔ me, eye wòaké dzogbenya.

Yeremia 39:4

Eye esi Yuda-fia Zedekiya kple aʋawɔlawo katã kpɔ wo la, wosi dzo le dua me le zã to fia ƒe abɔ me mɔ heto agbo, si le gli ŋukplaba eve dome la nu heɖo ta gbegbe.