Nyagblɔla 10:14 - Biblia alo Ŋɔŋlɔ Kɔkɔe La Le Eʋegbe Me 1913

¹⁴ Bometsila ƒoa nu kpoloe; amegbetɔ menya nusi gbɔna dzɔdzɔ ge o, eye ameka agblɔ nusi ava dzɔ le emegbe la nɛ?

Agbenya La

¹⁴ Bometsila nyaa nu sia nu tso etsɔ si gbɔna la ŋu eye wòƒoa nu tso nu si wònya la ŋu tsitotsito! Ke ame ka tututu ate ŋu anya nu si le dzɔdzɔ ge?

Nyagblɔla 10:14 Mawu Ofanana

Hiob ƒe Agbalẽ 34:37

Elabena etsɔ vɔ̃ɖiwɔwɔ kpe ɖe eƒe nuvɔ̃wo ŋu, ele alɔme ɖem le mía dome, eye wòle nu geɖe ƒom ɖe Mawu ŋu.

Hiob ƒe Agbalẽ 35:16

eyata Hiob ƒo nu yakatsyɔ, eye wòlɔ nyawo ƒo ɖi, nunyaa ɖeke mele wo me o.

Lododowo 10:19

Dadaƒu megbea nuƒoƒo vivivo me o, ke amesi kpɔa eƒe nuyiwo dzi la, nunyalae.

Lododowo 15:2

Nunyala ƒe aɖe hea sidzedze vɛ; ke bometsitsi doa go tso bometsila nu gbẽgbẽgbẽ.

Nyagblɔla 10:15

Bometsilawo ƒe agbagbadzedze nana ɖeɖi tea amesi menye du me mɔ o la ŋu.

Nyagblɔla 3:22

Eyata mekpɔ be, enye wu na amegbetɔ be, wòakpɔ dzidzɔ le eƒe dɔwɔwɔwo ŋu, elabena esia nye eƒe gome. Elabena amekae akplɔe ayi afisi wòakpɔ nusiadzɔ le emegbe la le?

Nyagblɔla 5:3

Ne èɖe adzagba na Mawu la, megahe edziwɔwɔ ɖe megbe o, elabena bometsilawo ƒe nu medzea eŋuo; alesi nèɖe adzɔgbe la, wɔe.

Nyagblɔla 6:12

Elabena ameka nya nusi nyo na amegbelɔ le agbe me, le eƒe agbe ƒuƒlu, si wònɔ abe vɔvɔli ene la ƒe ŋkekewo katã me? Elabena ameka agblɔ nusi adzɔ le amegbetɔ megbe le ɣea te la nɛ?

Nyagblɔla 7:14

Kpɔ dzidzɔ le gbe nyui gbe, eye le dzɔgbevɔ̃egbe la ɖo ŋui be, Mawu ye wɔe abe ekeme ke ene, ne amegbelɔ maganya nusi adzɔ le emegbe o.

Nyagblɔla 8:7

Elabena menya nusi gbɔna dzɔdzɔ ge o; eye ameka ate ŋu agblɔ nusi le dzɔdzɔ ge la nɛ?

Nyagblɔla 9:1

Nusiawo katã ŋu metsɔ nye tame ɖo, eye medzro wokɔtã me kpɔ be: Ame dzɔdzɔewo kple nunyalawo kpakple woƒe nuwɔwɔwo le Mawu si me; amegbetɔ medze si lɔlɔ̃ kple fuléle tsã o; wo katã wodo ŋgɔ na wo.

Hezekiel 35:13

Mietsɔ miaƒe nuwo ƒo adegbe ɖe ŋunye, eye miedudu nya ƒo ɖi bababa ɖe ŋunye mese.