Kolosetɔwo 4:18 - Biblia alo Ŋɔŋlɔ Kɔkɔe La Le Eʋegbe Me 1913

¹⁸ Ɖuɖɔ, si nye Paulo metsɔ nye asi ŋlɔe la, enye si. Miɖo ŋu nye kɔsɔkɔsɔwo! Amenuveve nanɔ anyi kpli mi!

Agbenya La

¹⁸ Esia nye nye Paulo ŋutɔ ƒe gbedoname si meŋlɔ kple nye ŋutɔ nye asi. Miɖo ŋku dzinye le nye gaxɔmenɔnɔ me le afi sia. Mawu ƒe amenuveve nanɔ anyi kpli mi.

Kolosetɔwo 4:18 Mawu Ofanana

Romatɔwo 16:20

Ke ŋutifafa Mawu la agbã Satana ɖe miaƒe afɔwo te gudugudu kpuie. Mía Aƒetɔ Yesu ƒe amenuveve la nanɔ anyi kpli mi katã!

Romatɔwo 16:22

Nye Tertio, si ŋlɔ agbalẽ sia la, meɖuɖɔ mi ƒã.

Romatɔwo 16:23

Gayo, si nye mía kple hame blibo la ƒe aƒetɔ la, ɖuɖɔ mi ƒã. Erasto, si nye du me gadzikpɔla, kple mia nɔvi Kuarto ɖuɖɔ mi ƒã.

1 Korintotɔwo 16:21

Ɖuɖɔ, si nye Paulo metsɔ nye asi ŋlɔe la, enye esi.

Filipitɔwo 1:7

abe alesi wòdzo nam bena, masusu esia le mi katã mia ŋuti ene; elabena miele nye dzi me le nye kɔsɔkɔsɔwo kple nyanyuie la taʋiʋli kpakple kakaɖedzi la me; elabena mi katã míenye nye hagomekpɔlawo le amenuveve la me.

Kolosetɔwo 4:3

eye mido gbe ɖa ɖe miawo hã mía ta, bene Mawu naʋu nya la ƒe ʋɔtru na mí, ne míagblɔ Kristo ƒe nya ɣaɣla, si ŋuti woblam ɖo hã,

2 Tesalonikatɔwo 3:17

Ɖuɖɔ, si nye Paulo metsɔ nye asi ŋlɔe, si nye dzesi le nye agbalẽ sia agbalẽ me la, enye si; nenemae meŋlɔnɛ.

1 Timoteo 6:21

si me amea ɖewo ʋu, eye wogatre mɔ tso xɔse la gbɔ. Amenuveve nanɔ anyi kpli wò!

2 Timoteo 1:8

Eyata ŋu nagakpe wò le mia Aƒetɔ ƒe ɖaseɖiɖi kple nye, amesi nye eƒe gatɔ la ŋuti o; ke boŋ kpe fu kple nyanyuie la le Mawu ƒe ŋusẽ la nu,

2 Timoteo 4:22

Aƒetɔ Yesu Kristo nanɔ anyi kple wò gbɔgbɔ la! Amenuveve nanɔ anyi kpli mi!

Tito 3:15

Amesiwo katã le gbɔnye la, ɖuɖɔ wò ƒã. Ɖuɖɔ amesiwo katã lɔ̃a mí le xɔse me la nam ƒã. Amenuveve nanɔ anyi kpli mi katã!

Hebritɔwo 13:25

Amenuveve nanɔ anyi kpli mi katã! Amen.

Hebritɔwo 13:3

Miɖo ŋku amesiwo wobla la dzi, abe ɖe wobla mi hekpe ɖe wo ŋu ene, kple amesiwo kpe fu la dzi, abe amesiwo hã le ŋutilã me ene.