Amos 8:3 - Biblia alo Ŋɔŋlɔ Kɔkɔe La Le Eʋegbe Me 1913

³ Ale Aƒetɔ Yehowa gblɔ esi: Nyɔnu, siwo dzia ha le fiasãwo me la, afa avi gbemagbe, ame kukuwo asɔ gbɔ, eye woazi ɖoɖoe atso wo, aƒu gbe ɖe teƒewo katã.

Agbenya La

³ Egagblɔ be, “Hadzidzi siwo ɖina le gbedoxɔ me la azu avifafa gbe ma gbe. Ame kukuwo akaka ɖe afi sia afi, eye ɖoɖoe azi klẽnee.”

Amos 8:3 Mawu Ofanana

Psalmowo 39:9

Ɖem tso nye dzidadawo katã me; megatsɔm wɔ alɔmeɖenu na bometsilawo o!

Yesaya 37:36

Tete Yehowa ƒe dɔla do ɖawu ame akpe alafa ɖeka kple blanyi vɔ atɔ̃ le Asurtɔwo ƒe asaɖa me. Eye esi wòtɔ le ŋdi kanya la, kpɔ ɖa, wo katã wòzu ame kukuwo sɔŋ.

Yeremia 22:18

Eyata ale Yehowa gblɔ ɖe Yuda-fia Yoyakim, Yosiya vi la ŋu enye si: Womafa nɛ be: „Ao, nɔvinyeŋutsu, ao, nɔvinyenyɔnu“ o! Eye womafa nɛ be: „Ao, nye aƒetɔ, ao, eƒe atsyɔ̃“ o!

Konyifahawo 2:10

Zion-nyɔnuvi ƒe amegã ɖeɖiwo bɔbɔ nɔ anyigba, eye woƒe nu ɖe ga, wolɔ afi kɔ ɖe ta me, eye wota akpanya; Yerusalem-ɖetugbi de kɔ to.

Yoel 1:11

Ŋukpe lé agbledelawo, eye weingbledelawo le nu xam le lu kple ƒo ta, elabena nuŋeŋe nu tso le agble me.

Yoel 1:13

Mi nunɔlawo, mibla ali dzi, ne miafa konyi! Mi vɔsamlekpui la subɔlawo, mifa avi! Miva miatsi akpanya me adɔ, mi, nye Mawu subɔlawo; elabena nuɖuvɔsa kple nunovɔsa nu tso le mia Mawu ƒe me.

Yoel 1:5

Mi ahamulawo, minyɔ, eye mifa avi! Mi weintsunolawo katã, mixa nu ɖe aha yeye ŋu, elabena woɖee le nu me na mi.

3 Mose 10:3

Eye Mose gblɔ na Aron bena: Ke esia gblɔm Yehowa le enye sia bena: Maɖe ɖokuinye afia amesi te ɖe ŋunye la, abe kɔkɔetɔ ene, eye maɖe nye ŋutikɔkɔe afia le dukɔ blibo la ŋku me. Tete Aron zi kpi.

Amos 4:10

Mehe dɔvɔ̃ va mia dzi abe Egipte tɔa ene; mewu miaƒe ɖekakpuiwo kple yi, woha miaƒe sɔwo, eye miaƒe, asaɖa me ʋẽ kũ ɖo ŋɔti me na mi; ke miegbe tɔtrɔ ɖe ŋunye, Yehowa ye gblɔe!

Amos 5:16

Eyata ale Yehowa, Mawu Zebaot, Aƒetɔ la, gblɔ esi: Konyifafa anɔ ablɔwo katã me, eye woana alele dom le kpɔdomeewo katã, woayɔ agbledela ɖe nuxaxa ŋu, eye kuteƒehadzilawo ɖe konyifafa ŋu;

Amos 5:23

Te wò hawo ƒe ɖiɖi ɖe megbe tso gbɔnye, wò saŋkuƒoƒowo le to me vem nam!

Amos 6:4

mi amesiwo mlɔ nyiɖubatiwo dzi, eye miedra ɖe mia mlɔƒewo, mieɖu alẽviwo le lãhawo dome kple nyiviwo le lãkpɔ me;

Amos 6:5

mi amesiwo nɔa saŋku ƒom kɔ kple avu, eye mienɔa hã kpam abe Dawid ene;

Amos 6:8

Aƒetɔ Yehowa ta eƒe agbe be: Ale Yehowa, Mawu Zebaot, gblɔ esi: Yakob ƒe dàda le ŋu nyɔm nam, melé fu eƒe fiasãwo, eye matsɔ du la kple eme nuwo ade asi.

Amos 8:10

Matrɔ miaƒe ŋkekenyuiewo woazu nuxaxa kple miaƒe hawokatã woazu konyifaha, made akpanya aliwo katã, eye tawo katã nazu ta kokoe, mana wòanɔ, abe alesi wofaa konyi na tenuvi ene, eye eƒe nuwuwu anɔ abe ŋkeke vɔ̃e ene.

Nahum 3:3

Sɔdolawo dze aʋa, yi le dzo dam, eye akplɔwo le dzo sim; ame tsiaʋawo teƒe mekɔ o, eye ame kukuwo sɔ gbɔ kpaŋkpaŋ, seƒe meli na ame kukuwo o, eye wodze anyi ɖe woƒe ame kukuwo dzl.

Zefania 1:7

Mizi ɖoɖoe le Aƒetɔ Yehowa ŋku me, elabena Yehowa ƒe ŋkeke la tu aƒe, elabena Yehowa do vɔsagbe la ɖi, eye wòkɔ amesiwo wòkpe la ŋu!