Amos 6:2 - Biblia alo Ŋɔŋlɔ Kɔkɔe La Le Eʋegbe Me 1913

² Miyi Kalne, eye milé ŋku ɖe anyi, mitɔ edzi tso afima yi Xamat-gã, eye mihoe ɖe dzi yi Filistitɔwo ƒe Gat be, ɖe eme nyo na wo wu fiaɖuƒe siawo tɔ loo, alo woƒe anyigba lolo wu mia tɔa?

Agbenya La

² Miyi ɖe Kalne ne miakpɔ nu si dzɔ le afi ma la ɖa; eye miayi ɖe du gã Hamat me, ahaɖiɖi ɖe Gat, Filistitɔwo ƒe anyigba dzi, akpɔ nu si dzɔ la ɖa. Ɖe mienyo wu fiaɖuƒe siawo alo ɖe miaƒe anyigba lolo wu wo tɔa?

Amos 6:2 Mawu Ofanana

1 Mose 10:10

Eƒe fiaɖuƒe ƒe gɔmeɖoɖo enye Babel, Erek, Akad kple Kalne le Sinear-nyigba dzi.

2 Samuel 8:9

Esi Xamat-fia Toi se bena, Dawid si Hadadezer ƒe aʋakɔ bliboa la,

1 Fiawo 8:65

Eye Salomo kple Israel blibo, si le eŋu la, ɖu ŋkekenyuie la ɣemaɣi; ameha gãa ɖe tso Xamat-nutowo me, vaseɖe Egipte-tɔʋu la gbɔ, va Yehowa, mía Mawu la ŋku me, ŋkeke adre kple ŋkeke adre, ele ŋkeke wuiene.

2 Fiawo 17:24

Eye Asur-fia kplɔ amewo tso Babel, Kuta, Awa, Xamat kple Sefarwayim, eye wòna wonɔ Samaria-duwo me ɖe Israel-viwo teƒe, eye woxɔ Samaria henɔ eƒe duwo me.

2 Fiawo 17:30

Babeltɔwo wɔ Sukot-Benot; Kuttɔwo wɔ Nergal, eye Xamattɔwo wɔ Asima;

2 Fiawo 18:34

Afika Xamat kple Arpad ƒe mawuwo le? Afika Sefarwayim, Hena kple Iwa ƒe mawuwo le? Ɖe wote ŋu ɖe Samaria tso asinye mea?

2 Fiawo 19:13

Afika Xamat-fia, Arpad-fia kple du Sefarwayim, Hena kple Iwa ƒe fia le?

2 Kronika 26:6

Eye wòho dawo aʋa kple Filistitɔwo, eye wògbã Gat ƒe gliwo, Yabne ƒe gliwo kple Asdod ƒe gliwo, eye wòtso duwo ɖe Asdod kple Filistitɔwo dome.

Yeremia 49:23

Ɖe Damasko ŋu: Ŋu kpe Xamat kple Arpad; elabena wose nya vɔ̃, eye dzi ɖe le wo ƒo; ŋɔdzi le atsiaƒu nu, womate ŋu agbɔ ɖe eme o.

Nahum 3:8

Ɖe nènye wu No-Amon, si hɔhɔ nɔ Nil-tɔsisi to, tsi ɖe to ɖee goɖoo, atsiaƒu nye kpo nɔ eŋu, eye tsi nye gli nɔ eŋu laa?

1 Samuel 17:23

Esi wòle nu ƒom kpli wo la, kpo da, ame dzɔtsu, si ŋkɔ nye Goliat, amesi nye Filistitɔ tso Gat la, do tso Filistitowo ƒe aʋadzedze la me va gblɔ nya mawo ke, eye Dawid see.

1 Samuel 17:4

Tete ame dzɔtsua ɖe ɖo tso Filistitɔwo ƒe asaɖa la me, eŋkɔ nye Goliat, amesi tso Gat; ekɔ abɔklugui ade kple asi ɖeka.

1 Samuel 5:10

Eye woɖo Mawu ƒe aɖaka la ɖe Ekron; ke esi Mawu ƒe aɖaka la va Ekron la, Ekrontɔwo do ɣli gblɔ bena: Woɖo Israel ƒe Mawu ƒe aɖaka la ɖe mía gbɔ, be woawu mia kple míaƒe dukɔ la!

1 Samuel 5:8

Eye wodɔ ame woɖaƒo Filistitɔwo ƒe amegãwo katã nu ƒu va wo gbɔ, eye wogblɔ bena: Aleke miele Israel ƒe Mawu ƒe aɖaka la wɔ gee? Woɖo ŋu be: Mitsɔ Israel ƒe Mawu ƒe aɖaka la ɖo ɖe Gat! Tete woɖo Israel ƒe Mawu ƒe aɖaka la ɖa.