Amos 5:25 - Biblia alo Ŋɔŋlɔ Kɔkɔe La Le Eʋegbe Me 1913

²⁵ Israel ƒe aƒe, ɖe miesa akpedavɔ kple nuɖuvɔ nam le gbe dzi le ƒe blaneawo mea?

Agbenya La

²⁵ “O, Israelviwo, nyee mietsɔ lã wuwuwo kple numemewo sa vɔ na esi mienɔ gbedzi ƒe blaene sɔŋ?

Amos 5:25 Mawu Ofanana

Nehemia 9:18

Esi wokɔ nyivi na wo ɖokui hegblɔ bena: esia nye wò Mawu, si kplɔ wò tso Egipte, eye wobɔ ahɔhlɔ̃ ga hã la,

Nehemia 9:21

Ƒe blane sɔŋ nènyi wo le gbea dzi, eye naneke mebia wo o; woƒe avɔwo medo xoxo o, eye woƒe afɔwo mete o.

Hezekiel 20:16

le esi wodo vlo nye seawo, womezɔ de nye dodowo nu o, eye wogblẽ kɔ ɖo na nye dzudzɔgbewo ta; elabena woƒe dzi dze woƒe legbawo yome.

Hezekiel 20:24

le esi womewɔ nye sewo dzi o, eye woɖo vlo nye ɖoɖowo, wogblẽ kɔ ɖo na nye dzudzɔgbewo, eye woƒe ŋkuwo le wo fofowo ƒe legbawo yome la.

Hezekiel 20:8

Ke wosẽ to ɖe ŋunye, eye wogbe toɖoɖom; wo dometɔa ɖeke meɖe ŋunyɔnuawo ɖa le ŋku ta o, eye womeɖe asi le Egipte-legbawo ŋu o. Tete meɖo be, matrɔ nye dziku aƒo ɖe wo dzi, eye nye dɔmedzoe nabi avɔ ɖe wo ŋu le Egipte-nyigba dzi.

3 Mose 17:7

Womegatsɔ woƒe lãwo sa vɔ na azizã, siwo wosubɔna la o. Ɖoɖo mavɔ wòanye na wo kple woƒe dzidzimeviwo.

Zekaria 7:5

Gblɔ na dukɔ hahoo la katã kple nunɔlawo bena: Esi mietsi nu ɖɔ, eye miexa nu le dzinu atɔ̃lia kple adrelia me ƒe blaadre sɔŋ nye esi la, nyee mietsi nu dɔ na loo?

Yosua 24:14

Eyata mivɔ̃ Yehowa, eye misubɔe blibo le nyateƒe me, miɖe mawu, siwo mia fofowo subɔ le tɔsisi la godo kple Egipte la ɖa, eye misubɔ Yehowa!