Amos 4:6 - Biblia alo Ŋɔŋlɔ Kɔkɔe La Le Eʋegbe Me 1913

⁶ Medo kuvia miaƒe aɖuwo le miaƒe duwo katã me, eye mena abolokoe wɔ nu le mia nɔƒewo katã; ke miegbe tɔtrɔ ɖe ŋunye, Yehowa ye gblɔe.

Agbenya La

⁶ “Medɔ dɔwuame ɖe miaƒe duwo me, gake mewɔ naneke le mia ŋuti o, eye miegbe be yewomatrɔ ɖe ŋutinye o.” Yehowae gblɔe.

Amos 4:6 Mawu Ofanana

1 Fiawo 17:1

Eye Eliya, Tisbitɔ, si tso Gilead ƒe amedzrowo dome, gblɔ na Axab bena: Meta Yehowa, Israel ƒe Mawu, amesi ŋku me mele tsitre ɖo la ƒe agbe. Zãmu kple tsi madza le ƒe siawo me o, negbe nye koe agblɔe hafi!

1 Fiawo 18:2

Tete Eliya yi ɖatsɔ eɖokui na Axab. Ke dɔwuame la nu sẽ le Samaria.

2 Fiawo 4:38

Emegbe Elisa gbugbɔ va Gilgal. Eye dɔ to le anyigba dzi, eye nyagblɔɖilawo ƒe nusrɔ̃viwo bɔbɔ nɔ eŋku me. Tete wògblɔ na eƒe ɖekakpui bena: Ɖo ze gã dzoe, ne naɖa nu na nyagblɔɖilawo ƒe nusrɔ̃viawo.

2 Fiawo 8:1

Eye Elisa ƒo nu kple nyɔnu, si ƒe vi wògbɔ agbee la, gblɔ bena: Mia kple aƒewòmetɔwo mitso, ne miaɖanye amedzro le afisiafi, si ke miekpɔ; elabena Yehowa le dɔwuame he ge vɛ ƒe adre, eye ele anyigba dzi xoxo.

2 Kronika 28:22

Ke Axaz sia gãwo nu tovo ɖe dzi ɖe Yehowa ŋu le ɣeyiɣi, si me woxaxae ɖo.

Yesaya 26:11

Yehowa, wò alo le dzi, ke womelé ekpɔm o; woakpɔ ŋuʋaʋã ɖe dukɔ la ŋu, eye ŋu akpe wo, eye dzo afiã wò ketɔwo.

Yesaya 3:1

Elabena kpɔ ɖa, Aƒetɔ, Yehowa Zebaot, aɖe atizɔti kple ziɔɖeŋu ɖa le Yerusalem kple Yuda, abolo ƒe xɔnamewo katã kple tsi ƒe xɔnamewo katã,

Yesaya 9:12

Eye dukɔ la metrɔ ɖe amesi ƒoe la ŋu o, eye womedi Yehowa Zebaot yome mí o.

Yesaya 9:13

Eye Yehowa tsrɔ̃ la kple asike, deʋaya kple keti ɖa tso Israel le ŋkeke ɖeka dzi.

Yeremia 14:18

Ne meyi gbe me la, amesiwo tsi yi nu li, eye ne meva du me la, kpɔ ɖa, amesiwo dɔ te wo ŋu li; elabena nyagblɔɖilawo kple nunɔlawo siaa yina ɖe anyigba, si womenya o la dzi.

Yeremia 5:3

Yehowa, ɖe wò ŋkuwo mele nyateƒe ŋu oa? Eƒo wo, gake meɖe lã me na wo o; ètsrɔ̃ wo ɖa, ke wogbe toɖoɖo tohehe, wosẽ woƒe ŋku me wu agakpe, eye wogbe tametɔtrɔ.

Hezekiel 14:21

Elabena ale Aƒetɔ Yehowa gblɔ esi: Ke ne meɖo yi, dɔwuame, lã wɔadã kple dɔvɔ̃, siwo nye nye tohenu vɔ̃ɖi eneawo ɖa ɖe Yerusalem ŋu, be matsrɔ̃ amegbetɔwo kple lãwo le eme la,

Hezekiel 16:27

Kpɔ ɖa, mado nye asi ɖa ɖe ŋuwò, eye maka ɖe le wò gome ŋu, eye matso wò ade asi na wò futɔwo, Filistitɔwo ƒe nyɔnuviwo ƒe nyanyrã, amesiwo wò ŋukpenanuwɔwɔwo le ŋu kpem na.

Hosea 11:5

Womagagbugbɔ ayi Egipte-nyigba dzi o, ke boŋ Asur nenye woƒe fia, elabena wogbe tametɔtrɔ.

Hosea 5:15

Magagbugbɔ ayi nɔnyieƒe, vaseɖe esime woafufu ŋku ahadi nye ŋku me; ne wodo xaxa me la, woadi yonyeme mɔ.

Yoel 1:16

Ɖe wometsi nuɖuɖu nu le mía ŋku me, eye dzidzɔ kple aseyetsotso nu le mía Mawu ƒe me oa?

3 Mose 26:23

Ke ne miena metso nusiawo xlã nu mi o, boŋ miegatsi tre de ŋunye ko la,

3 Mose 26:26

Magblẽ abolo, si nye miaƒe agbe la dome, eye nyɔnu ewo aƒo abolo de kpo ɖeka me, eye woaxlẽ abolo de do nu na mi, eye miaɖui maɖi ƒo na mi o.

Hagai 2:17

Mehe to na mi ɖe miaƒe asinudɔwɔwɔwo katã ŋu, ale be miaƒe bliwo hlɔ̃, eye wodze heteku, eye dzikpewo dza; gake miegbe tɔtrɔ ɖe ŋunye, Yehowa ye gblɔe!

5 Mose 28:38

Àƒã nuku geɖe ɖe agble me, ke ʋeea ɖe ko naŋe, elabena ʋetsuviwo aɖui avɔ.

Nyaɖeɖefia 2:21

Eye mena ɣeyiɣie, be wòatrɔ le eƒe dzi me, gake melɔ̃ be, yeatrɔ tso eƒe ahasiwɔwɔ me o.

Rut ƒe agbalẽ 1:1

Le ɣeyiɣi, siwo me ʋɔnudrɔ̃lawo le dziɖum la, dɔ va anyigba la dzi. Eye ŋutsua ɖe kple srɔ̃a kpakple viaŋutsu eveawoʋu tso Betlexem-Yuda, bena woaɖanɔ Moab-nyigba dzi.