Dɔwɔwɔwo 24:5 - Biblia alo Ŋɔŋlɔ Kɔkɔe La Le Eʋegbe Me 1913

⁵ Elabena miekpɔ ŋutsu sia bena, enye dɔvɔ̃ kple amesi ɖea zi Yudatɔwo katã dome le xexeame godoo, eye wònye Nazaretɔwo ƒe kɔmamã ƒe amegã,

Agbenya La

⁵ “Ame si wokplɔ va gbɔwòe la, ame vɔ̃ɖi aɖe ŋutɔ wònye. Eƒe dɔ koe nye be wòanɔ ʋunyaʋunya dem Yudatɔwo dome le xexea me katã godoo be woatsi tsitre ɖe Roma dziɖuɖu la ŋu, anɔ woƒe sewo kple kɔnuwo dzi dam. Eya kee nye habɔbɔ si woyɔna be, Nazaretitɔwo la ƒe amegã.

Dɔwɔwɔwo 24:5 Mawu Ofanana

Ester 3:8

Tete Haman gblɔ na fia Axasweros bena: Dukɔ ɖekaa ɖe li, si kaka, eye, wòmã ɖe dukɔwo dome le wò fiaduƒe ƒe anyigbawo katã dzi; woƒe sewo to vovo tso dukɔ sia dukɔ tɔ gbɔ, eye womewɔa fia ƒe sewo dzi o; eyata medze fia be, wòazi kpi akpɔ wo alea o.

Yeremia 37:13

Eye esi wòɖo Benyamin-gbo nu la, Xananya vi Selemya ƒe vi Yiriya, amesi nye dzɔlawo ƒe amegã la, le afima, eye wòlé nyagblɔɖila Yeremya gblɔ bena: Kaldeatɔwo dzi nèbe, yeayi.

Yeremia 38:4

Tete amegãwo gblɔ na fia la bena: Woawu ŋutsu sia, elabena ele alɔgblɔlɔ dom aʋawɔla, siwo kpɔtɔ ɖe du sia me kple dukɔ blibo la, esi wòle nya siawo tɔgbe gblɔm na wo la; elabena ŋutsu sia mele dukɔ la ƒe nyui dim o, negbe woƒe dzɔgbevɔ̃e ko.

Amos 7:10

Tete Amazya, amesi nye nunɔla le Betel la, dɔ ame ɖo ɖe Israel-fia Yerobeam, ne woagblɔ nɛ bena: Amos ɖo gbe ɖi ɖe ŋuwò le Israel ƒe aƒe la dome; anyigba la magaɖo dzi atso eƒe nyawo katã o.

Mateo 10:25

Esɔ gbɔ na nusrɔ̃la, ne woazu abe eƒe nufiala ene, kple subɔla abe eƒe aƒetɔ ene. Ne woyi aƒetɔ la be Beelzebul la, aleke woahayɔ eƒe aƒemetɔwo a wui?

Mateo 2:23

eye wòva nɔ du, si woyɔna be Nazaret la me, bene woawu nya, si wogblɔ ɖe anyi to nyagblɔɖilawo dzi la nu bena: Woayɔe be Nazaretetɔ.

Marko 1:24

Nya ka le mía kple wò dome, wò Yesu Nazaretetɔ? Ɖe nèva mía tsrɔ̃ ge mahã? Menya amesi nènye, Mawu ƒe kɔkɔetɔ la nènye.

Luka 23:19

amesi wòlé de gaxɔ me le zitɔtɔ le dua me kple hlɔ̃dodo ta.

Luka 23:2

Tete wode asi enutsotso me gblɔ bena: Míekpɔ amesia wòle miaƒe dukɔ la ƒe tame trɔm, eye wògbe na amewo bena, woagadzɔ nu na kaisaro o hele gbɔgblɔm bena, ye ŋutɔe nye Kristo, fia la.

Luka 23:25

Nenem eye wòɖe asi le amesi wòlé de gaxɔ me le zitɔtɔ kple hlɔ̃dodo ta la ŋu na wo, amesi wòbia; ke Yesu la, edee asi na woƒe lɔlɔ̃nu.

Luka 23:5

Ke wogatsi edzi gblɔ bena: Ede zi dukɔ la me hele nu fiãm to Yudea katã me, eye wòdze gɔme tso Galilea vaseɖe afisia.

Dɔwɔwɔwo 15:5

Ke amea ɖewo, siwo tso farisitɔwo ƒe kɔmamã me, amesiwo xɔ se la, tsi tre, eye wogblɔ bena, ele bena, woatso aʋa na wo, eye woaɖo na wo be, woalé Mose ƒe se la me ɖe asi.

Dɔwɔwɔwo 21:28

hele ɣli dom bena: Israel-ŋutsuwo, miva xɔ na mí loo! Amesiae nye amesi nɔa nu fiãm amewo katã le afisiafi hetsi tre ɖe dukɔ la kple se la kpakple teƒe sia ŋuti, eye wu esia la ekplɔ Helatɔwo hã va mawuxɔ la me, eye wòƒo ɖi teƒe kɔkɔe sia.

Dɔwɔwɔwo 22:22

Eye woɖo toe vaseɖe nya sia dzi; tete wokɔ woƒe gbe dzi gblɔ bena: Miɖe amesia tɔgbe ɖa tso anyigba la dzi, elabena mele nɛ be, wòanɔ agbe o.

Dɔwɔwɔwo 24:14

Ke mele esia me ʋum na wò bena, mele mía fofowo ƒe Mawu la subɔm le mo, si woyɔna be kɔmamã la nu, ale bena mexɔ nusiwo katã woŋlɔ ɖe se la kple nyagblɔɖilawo me la dzi se,

Dɔwɔwɔwo 24:4

Gake bena nyemagasika wò ɖi akpa o la, meɖe kuku na wò, naɖo to mí ʋee le wò dɔmefafa la nu.

Dɔwɔwɔwo 25:7

Eye esi wòva la, Yudatɔ, siwo tso Yerusalem va la, le tsitre ƒo xlãe, eye wotsɔ nutsotso vevi geɖewo vɛ ɖe Paulo ŋuti, esiwo ŋu womete ŋu fia kpɔɖeŋua ɖeke le o,

Dɔwɔwɔwo 26:5

wonyam tsã, ne wolɔ̃ be, yewoaɖi ɖase, alesi menɔ agbe le miaƒe subɔsubɔ ƒe kɔmamã, si nu sẽ wu wo katã la nu abe farisitɔ ene.

Dɔwɔwɔwo 28:22

Ke miele didim bena, miase nusi susum nèle la, atso nuwò; elabena miese bena, wogblɔ nya ɖe kɔmamã sia ŋuti le afisiafi.

Dɔwɔwɔwo 5:17

Ke nunɔlagã la tsi tre kple amesiwo le eŋu la, siwo nye zadukitɔwo ƒe kɔmamã, eye woyɔ fũ kple ŋuʋaʋã.

Dɔwɔwɔwo 6:13

eye woɖo aʋatsoɖaseɖilawo, amesiwo gblɔ bena: Nenem me sia midzudzɔ nuƒoƒo ɖe teƒe kokoe la kple se la ŋu o;

1 Korintotɔwo 11:19

Elabena ele vevie bena, kɔmamãwo hã naɖo mia dome, bene amesiwo li ke la, nadze ƒã le mia dome.

1 Korintotɔwo 4:13

ne wodo busu mi la, míeɖea kuku; míezu abe xexe sia me ƒe aɖukpodzinuwo ene, amewo katã ƒe gbeɖuɖɔ vaseɖe egbegbe sia.

1 Petro 2:19

Elabena esiae nye amenuveve, ne amea de do dzi le xaxawo me, eye wòkpea fu madzemadze le dzitsinya, si vɔ̃a Mawu la ta.