Dɔwɔwɔwo 21:30 - Biblia alo Ŋɔŋlɔ Kɔkɔe La Le Eʋegbe Me 1913

³⁰ Eye du blibo la katã tɔ zi, eye ameawo le du ƒum va le ta kpem, eye wole Paulo, eye wohee do goe tso mawuxɔ la me, eye wodo ʋɔtruawo enumake.

Agbenya La

³⁰ Zitɔtɔ gã aɖe dzɔ le dua me le nya sia ta, eye wolé Paulo, hee do goe le gbedoxɔ la me hedo ʋɔa.

Dɔwɔwɔwo 21:30 Mawu Ofanana

2 Fiawo 11:15

Tete nunɔla Yehoyada de se na ame alafawo ƒe amegãwo, siwo nye aʋakɔ la ƒe kplɔlawo gblɔ na wo bena: Mikplɔe to amea wo dome, eye ne amea ɖe dze eyome la, mi wui kple yi! Elabena nunɔla la gblɔ be, womawui ɖe Yehowa ƒe aƒe la me o.

Mateo 2:3

Ke esi fia Herodes se esia la, dzika tso eya kple Yerusalem katã ƒo.

Mateo 21:10

Eye esi wòva Yerusalem la, du blibo la katã ƒo zi gblɔ bena: Ameka nye esia?

Luka 4:29

eye wotsi tre, eye wotu asi ʋume nɛ do go le dua me, eye wokplɔe vaseɖe to, si dzi wotso woƒe dua ɖo la, ƒe abunu, bena woatrɔ gboe aƒu abu me.

Dɔwɔwɔwo 19:29

Eye du blibo la katã yɔ fũ kple ʋunyaʋunyawɔwɔ, eye woƒu du r--- kple tame ɖeka yi ɖe dukɔ la ƒe takpeƒe, eye wohe Gayo kple Aristarxo, Makedoniatɔ, siwo nye Paulo ƒe mɔzɔhawo la, yii.

Dɔwɔwɔwo 26:21

Le esia ŋuti Yudatɔwo lém le mawuxɔ la me, eye wode wu ye ge kloe.

2 Korintotɔwo 11:26

Mezɔ mɔ enuenu; meɖo ŋɔdzi me le tɔsisiwo dzi, meɖo ŋɔdzi me le adzodalawo dome, meɖo ŋɔdzi me le nye dukɔmeviwo gbɔ, meɖo ŋɔdzi me le trɔ̃subɔlawo gbɔ, meɖo ŋɔdzi me le du me, meɖo ŋɔdzi me le gbedzi, meɖo ŋɔdzi me le atsiaƒu dzi, meɖo ŋɔdzi me le aʋatsonɔviawo dome;