Dɔwɔwɔwo 2:29 - Biblia alo Ŋɔŋlɔ Kɔkɔe La Le Eʋegbe Me 1913

²⁹ Ŋutsuwo kple nɔviwo! Mɔ li be, magblɔ nya na mi kple dzideƒo le tɔgbui Dawid la: ŋuti, bena eku, eye woɖii, eye eƒe: yɔdo le mía dome vaseɖe egbegbe.

Agbenya La

²⁹ Petro yi edzi be, “Nɔviwo, mɔ li be magblɔ nya na mi kple dzideƒo le tɔgbui David la ŋuti, be eku, eye woɖii, eƒe yɔdo le mía dome va se ɖe egbe.

Dɔwɔwɔwo 2:29 Mawu Ofanana

1 Fiawo 2:10

Eye Dawid mlɔ fofoawo gbɔ, eye woɖii ɖe Dawid ƒe du la me.

Nehemia 3:16

Eyome Nexemya, Azbuk vi, amesi nye amegã le Bet-Zur-nutowo ƒe afã me la, ɖɔe ɖo vaseɖe Dawid ƒe yɔdowo kasa kple ta, si woɖe, kpakple kalẽtɔwo ƒe xɔ gbɔ.

Dɔwɔwɔwo 13:36

Elabena Dawid, esi wòsubɔ Mawu ƒe tameɖoɖo le ye ŋutɔ ŋɔli la, edɔ alɔ̃; eye wotsɔe mlɔ fofoawo gbɔ, eye wòkpɔ nyunyɔ;

Dɔwɔwɔwo 2:28

Wòe na menya agbemɔwo, wòe yɔm taŋ kple dzidzɔ le ŋkuwò me.“

Dɔwɔwɔwo 22:5

abe alesi nunɔlagã la kple amegãwo hã aɖi ɖase nam ene; amesiwo gbɔ hã mexɔ agbalẽ tso hena nɔviawo, eye mezɔ mɔ yi Damasko, be mabia amesiwo le afima la hã ava Yerusalem, bena woahe to na wo.

Dɔwɔwɔwo 26:26

Elabena fia hã nya nusiawo, amesi mele nu ƒom na kple dzideƒo; elabena mexɔe se bena, nusiawo dometɔa ɖeke mele ɣaɣla ɖee o, elabena menye ɣaɣlaƒe wowɔ nusia le o.

Hebritɔwo 7:4

Ke mibu amesia, si Abraham, amegã xoxo la, tsɔ aboyonuawo ƒe ewolia na la, ƒe gãnyenye ŋuti kpɔ.