Dɔwɔwɔwo 15:30 - Biblia alo Ŋɔŋlɔ Kɔkɔe La Le Eʋegbe Me 1913

³⁰ Azɔ woawo la, esi wodo mɔ wo la, wova Antioxia, eye woƒo ameha la nu ƒu, eye wotsɔ agbalẽ la na.

Agbenya La

³⁰ Ame dɔdɔ eneawo dze mɔ ɖo ta Antioxia enumake. Esi wova ɖo la, woƒo kristotɔwo katã nu ƒu, eye wotsɔ gbedeasi la ɖo woƒe ŋkume.

Dɔwɔwɔwo 15:30 Mawu Ofanana

Dɔwɔwɔwo 11:19

Azɔ amesiwo ka hlẽ le xaxa, si va le Stefano ŋuti me la, tso me yi vaseɖe Foinike kple Kipro kpakple Antioxia, ke womegblɔ; nya la na amea ɖeke o, negbe na Yudatɔwo ɖeɖe ko.

Dɔwɔwɔwo 11:20

Ke esime wo dome ŋutsua ɖewo tso Kipro kple Kirene va Antioxia la, woƒo nu na Helatɔwo hã hele Aƒetɔ, Yesu ŋuti nyanyuie la gblɔm fia wo.

Dɔwɔwɔwo 11:27

Eye le ŋkeke siawo me la nyagblɔɖilawo tso Yerusalem va Antioxia.

Dɔwɔwɔwo 15:22

Tete wòdze apostoloawo kple hamemegãwo kpakple ha blibo la katã ŋu bena, yewoatia ŋutsua ɖewo atso yewo dome aɖo ɖe Antioxia akpe ɖe Paulo kple Barnaba ŋu, woawo nye Yuda, si woyɔna be Barsaba, kple Sila, ŋutsu, siwo nye amegãwo le nɔviawo dome.

Dɔwɔwɔwo 15:31

Ke esi woxlẽe la, wodzɔ dzi le akɔfafa la ŋuti

Dɔwɔwɔwo 16:4

Eye esi wole duawo me tom la, wogblɔ nyaɖoɖo, siwo apostolowo kple hamemegã, siwo le Yerusalem, bla la na wo, bena woalé wo me ɖe asi.

Dɔwɔwɔwo 21:22

Azɔ nuka woawɔ? Alesialesi lawɔ la, ameha la aƒo ƒu tsã; elabena wole ese ge be, eva.

Dɔwɔwɔwo 23:33

eye esi woawo va Kaisarea la, wotsɔ agbalẽ la na mɔ̃mefia la, eye wotsɔ Paulo hã de esi;

Dɔwɔwɔwo 6:2

Tete ame wuieveawo yɔ nusrɔ̃lawo ƒe ha ƒo ƒu, eye wogblɔ bena: Medze be, miagblẽ mawunya la ɖi asubɔ le kplɔ ŋuti o.