Dɔwɔwɔwo 15:22 - Biblia alo Ŋɔŋlɔ Kɔkɔe La Le Eʋegbe Me 1913

²² Tete wòdze apostoloawo kple hamemegãwo kpakple ha blibo la katã ŋu bena, yewoatia ŋutsua ɖewo atso yewo dome aɖo ɖe Antioxia akpe ɖe Paulo kple Barnaba ŋu, woawo nye Yuda, si woyɔna be Barsaba, kple Sila, ŋutsu, siwo nye amegãwo le nɔviawo dome.

Agbenya La

²² Azɔ la, apostoloawo kple hamemegãwo katã va lɔ̃ ɖe edzi be yewoaɖe ame aɖewo woakplɔ Paulo kple Barnabas ɖo ayi Antioxia be woaɖagblɔ nu si dzi woɖo kpee la na hame si le afi ma. Wotia Yuda (si wogayɔna be Barsaba) kple Silas, ame siwo nye amegãwo le hamea me.

Dɔwɔwɔwo 15:22 Mawu Ofanana

2 Samuel 3:36

Eye esi ameha blibo la dze sii la, edze wo ŋu; nusianu, si fia la wɔ la, dze ameha blibo la ŋu.

2 Kronika 30:12

Mawu ƒe asi va Yuda hã dzi, eye wòna dzi ɖeka ŋugbee wo, be woawɔ fia kple amegãwo ƒe se la dzi le Yehowa ƒe nya nu.

2 Kronika 30:4

Eye nya la dze fia la kple ameha blibo la ŋu.

Dɔwɔwɔwo 1:23

Eye wotso ame eve: Yosef, si woyɔna be Barsaba, amesi wogayɔna hã be Yusto, kple Matia la, ɖo tsitre.

Dɔwɔwɔwo 11:19

Azɔ amesiwo ka hlẽ le xaxa, si va le Stefano ŋuti me la, tso me yi vaseɖe Foinike kple Kipro kpakple Antioxia, ke womegblɔ; nya la na amea ɖeke o, negbe na Yudatɔwo ɖeɖe ko.

Dɔwɔwɔwo 11:20

Ke esime wo dome ŋutsua ɖewo tso Kipro kple Kirene va Antioxia la, woƒo nu na Helatɔwo hã hele Aƒetɔ, Yesu ŋuti nyanyuie la gblɔm fia wo.

Dɔwɔwɔwo 11:22

Eye wo ŋutinya ɖi va hame, si le Yerusalem la, ƒe to me, eye wodo Barnaba ɖo de Antioxia.

Dɔwɔwɔwo 11:27

Eye le ŋkeke siawo me la nyagblɔɖilawo tso Yerusalem va Antioxia.

Dɔwɔwɔwo 15:23

Eye woŋlɔ agbalẽ de wo si bena: Apostolowo kple hamemegãwo kple nɔviwo ɖuɖɔ nɔvi, siwo tso trɔ̃subɔlawo dome le Antioxia kple Siria kpakple Kilikia la ƒã.

Dɔwɔwɔwo 15:25

Enyo mía ŋu, esi mieƒo nu ɖekae be, míadɔ ŋutsu tiatiawo akpe ɖe míaƒe lɔlɔ̃tɔwo, Barnaba kple Paulo ŋu aɖo ɖe mi,

Dɔwɔwɔwo 15:27

Azɔ míedɔ Yuda kple Sila ɖa, amesiwo ŋutɔ hã lagblɔe na mi nenema ke kple woƒe nu.

Dɔwɔwɔwo 15:3

Azɔ woawo la, esi hame la dɔ wo ɖa la, woto Foinike kple Samaria hele trɔ̃subɔlawo ƒe tɔtrɔŋutinya xlẽm fia. Eye wòzu dzidzɔ gã na nɔviawo katã.

Dɔwɔwɔwo 15:30

Azɔ woawo la, esi wodo mɔ wo la, wova Antioxia, eye woƒo ameha la nu ƒu, eye wotsɔ agbalẽ la na.

Dɔwɔwɔwo 15:32

Eye Yuda kple Sila, amesiwo hã nye nyagblɔɖilawo la, xlɔ̃ nu nɔviawo kple nya geɖewo; eye wodo ŋusẽ wo.

Dɔwɔwɔwo 15:40

Ke Paulo fia Sila kpe ɖe eɖokui ŋu, eye esi nɔviawo tsɔe de Mawu ƒe amenuveve me la, edzo heyi.

Dɔwɔwɔwo 16:19

Ke esi eƒe aƒetɔwo kpɔ bena, woƒe viɖenu, si dzi woɖoa ŋu ɖo la, do go la, wolé Paulo kple Sila, eye wohe wo yi asi me ɖe amegãwo ƒe ŋku me;

Dɔwɔwɔwo 16:25

Eye le zãtitina la Paulo kple Sila wole gbe dom ɖa, eye wodzi kafukafuhawo na Mawu, eye gatɔwo le to ɖom wo.

Dɔwɔwɔwo 16:29

Tete wòbia akaɖi, eye wòƒu du yi ɖe eme, eye wòle dzodzom nyanyanya hedze Paulo kple Sila ƒe afɔ nu

Dɔwɔwɔwo 17:10

Ke nɔviawo dɔ Paulo kple Sila ɖe Beroia enumake le zã me. Esi woawo ɖo afima la, woyi ɖe Yudatɔwo ƒe ƒuƒoƒe me.

Dɔwɔwɔwo 17:14

Tete nɔviawo dɔ Paulo ɖe ƒu gome enumake, eye Sila kple Timoteo tsi afima.

Dɔwɔwɔwo 17:4

Eye wo dome amea ɖewo xɔe se, eye woku ɖe Paulo kple Sila ŋu kple Helatɔ, siwo vɔ̃a Mawu la dome ame geɖe, kple nyɔnu ŋkutatɔwo, menye ame ʋeea ɖe o.

Dɔwɔwɔwo 18:5

Eye esi Sila kple Timoteo wotso Makedonia va la, Paulo lé nya la me ŋutɔ hele ɖase ɖim na Yudatɔwo bena, Yesu yenye. Kristo.

Dɔwɔwɔwo 8:14

Tete la esi apostolo, siwo le Yerusalem la, se bena, Samaria xɔ mawunya la, woɖo Petro kple Yohanes ɖe wo gbɔ;

2 Korintotɔwo 1:19

Elabena Mawu ƒe Vi, Yesu Kristo, amesi woɖe gbe ƒã le mia dome to mi, amesiwo nye nye, Silvano kple Timoteo dzi la, menye ẽ kple o o, hafi enye ẽ le eyama me boŋ.

1 Tesalonikatɔwo 1:1

Paulo kple Silvano kple Timoteo woŋlɔ ɖo ɖe Tesalonikatɔwo ƒe hame, si le Mawu, Fofo la, kple Aƒetɔ Yesu Kristo me: Amenuveve kple ŋutifafa, si tso! Mawu, mía Fofo kple Aƒetɔ Yesu Kristo gbɔ la, woana mi!

2 Tesalonikatɔwo 1:1

Paulo kple Silvano kple Timoteo woŋlɔ ɖo ɖe Tesalonikatɔwo ƒe hame, si le Mawu, mía Fofo, kple Aƒetɔ Yesu Kristo me:

1 Petro 5:12

Meŋlɔ nya kpui sia ɖo ɖe mi to Silvano, amesi mebu nɔvi nuteƒewɔla la, si me hele nu xlɔ̃m, mi, eye mele ɖase ɖim bena, esiae nye Mawu ƒe amenuveve vavãtɔ. Minɔ tsitre sesĩe ɖe eme.