Dɔwɔwɔwo 1:26 - Biblia alo Ŋɔŋlɔ Kɔkɔe La Le Eʋegbe Me 1913

²⁶ Eye wodzidze nu ɖe wo dzi, eye nudzidze la dze Matia dzi, eye woɖe kpe ɖe apostolo wuiɖekɛawo ŋu.

Agbenya La

²⁶ Le esia megbe la, woda akɔ, eye wòdze Matias dzi, ale wotiae abe apostolo ene kpe ɖe ame wuiɖekɛ mamlɛawo ŋu.

Dɔwɔwɔwo 1:26 Mawu Ofanana

1 Kronika 24:5

Edzidze nu hafi ma woa kple eve la, elabena woawoe nye kɔkɔeƒe la nu amegãwo kple Mawu ƒe amegãwo tso Eleazar viwo kple Itamar viwo dome.

Nehemia 10:34

de ŋkumeɖobolo, gbesiagbe nuduvɔsa kple gbesiagbe numevɔsa, dzudzɔgbevɔsawo kple dzinu yeye vɔsawo kple ŋkekenyuie vɔsawo, akpedavɔsawo kple nuvɔ̃vɔsawo ŋu, be woalé avu na Israel kple mía Mawu ƒe ale ŋu ɖɔwo katã ŋu.

Nehemia 11:1

Dukɔ la ƒe amegãwo nɔ Yerusalem; ke dukɔ susɔea dzidze nu be, ame ɖekaɖeka natso ame ewoewo dome ava nɔ du kɔkɔe Yerusalem me, ke ame asieke asieke bubuawo nanɔ duwo me

Lododowo 16:22

Gɔmesese enye agbevudo na amesi si wòle; ke bometsitsi enye tohenu na bometsilawo.

Lododowo 16:33

Woda dzidzenu ɖe akɔme, ke Yehowa me nye emetsotso katã.

3 Mose 16:8

Eye Aron nadzidze nu ɖe gbɔ̃tsu eveawo dzi, dzidze ɖeka nadze Yehowa dzi, eye dzidze ɖeka nadze Asasel dzi.

Yona 1:7

Eye wogblɔ na wo nɔewo bena: Mina míadzidze nu, ne míakpɔ amesi ta dzɔgbevɔ̃e sia dza de mía dzi ɖo la! Tete wodzidze nu, eye nudzidze la dze Yona dzi.

Marko 6:30

Eye apostolowo ƒo ƒu ɖe Yesu gbɔ, eye woxlẽ nusiwo katã wowɔ kple nusiwo wòfiã la nɛ.

Dɔwɔwɔwo 1:23

Eye wotso ame eve: Yosef, si woyɔna be Barsaba, amesi wogayɔna hã be Yusto, kple Matia la, ɖo tsitre.

Dɔwɔwɔwo 13:19

Eye wòtsrɔ̃ dukɔ adre le Kanaan-nyigba dzi, eye wòmã woƒe anyigba me na wo hena domenymyi.

Dɔwɔwɔwo 2:14

Tete la Petro kple ame wuiɖekɛawo tsi tre, eye wòkɔ eƒe gbe dzi gblɔ na wo bena: Yudea-ŋutsuwo kple mi amesiwo katã nɔa Yerusalem, minya esia, eye mina nye nyawo nayi ɖe miaƒe towo me;

Yosua 14:2

Eye wodzidze nu hafi mãe na to asieke kple afã la, abe alesi Yehowa ɖe se to Mose dzi ene.

Yosua 18:10

Tete Yosua dzidze nu ɖe dzi na wo le Yehowa ŋku me le Silo, eye wòmã anyigba la na Israel-viwo wo tɔ wo tɔe.

Nyaɖeɖefia 21:14

Gɔmeɖoɖo wuieve li na dua ƒe gli la, eye Alẽvi la ƒe apostolo wuieveawo ƒe ŋkɔwo le wo ŋu.