Dɔwɔwɔwo 1:14 - Biblia alo Ŋɔŋlɔ Kɔkɔe La Le Eʋegbe Me 1913

¹⁴ Amesiawo katã nɔ gbedodoɖa kpakple kukuɖeɖe dzi kple tame ɖeka kpe ɖe nyɔnuawo kple Maria, Yesu dada, kple eƒe nɔviŋutsuawo ŋuti.

Agbenya La

¹⁴ Wonɔ gbedodoɖa dzi atraɖii kple nyɔnu siwo nɔ wo ŋu kpakple Yesu dada Maria kple Yesu nɔviŋutsuwo.

Dɔwɔwɔwo 1:14 Mawu Ofanana

Mateo 12:46

Ke esi wogale nu ƒom na amehawo la, kpɔ ɖa, dadaa kple nɔviawo le tsitre le xexe le didim be, yewoaƒo nu kpakplii.

Mateo 21:22

Eye nusianu, si ke míabia le gbedodoɖa me kple xɔse la, miaxɔe.

Mateo 27:55

Eye nyɔnu geɖewo le afima le nu kpɔm le adzɔge, amesiwo dze Yesu yome tso Galilea le esubɔm;

Marko 15:40

Eye nyɔnuwo hã le tsitre, le nu kpɔm le adzɔge; amesiawo dome Maria, Magdalatɔ, kple Maria, Yakobo suetɔ kple Yose dada, kpakple Salome wole;

Marko 16:1

Eye esi Sabat la nu yi vɔ la, Mana, Magdalatɔ, kple Maria, Yakobo dada, kple Salome woƒle atike ʋeʋẽe lilili, bena yewoasi nɛ.

Luka 11:13

Azɔ mí, amesiwo nye ame vɔ̃ɖiwo, mienya alesi miana nunana nyui mia viwo, ʋuu keke Fofo, si le dziƒo la, mana Gbɔgbɔ kɔkɔe amesiwo bianɛ la o mahã? Yesu he nya ɖe farisitɔ, siwo di bena, yewoado vloe bebia dzesi tso dziƒo la ŋuti.

Luka 18:1

Eye wòdo lo na wo, le alesi wòle na wo be, woaɖo gbe ɖa ɖaa, eye ɖeɖi nagate wo ŋu o la ŋuti,

Luka 23:49

Eye eƒe ame nyanyɛwo katã kple nyɔnu, siwo dze eyome tso Galilea la, le tsitre le adzoge ke hele nusiawo kpam ɖa.

Luka 23:55

Eye nyɔnu, siwo dze eyome tso Galilea va la, kpɔ yɔdo la ɖa, kple alesi wotsɔ eƒe kuku la mlɔ anyii.

Luka 24:10

Ke amesiwo gblɔ nusiawo na apostoloawo la, woawoe nye Maria, Magdalatɔ, kple Yohana kple Maria, Yakobo dada, kple nyɔnu mamle, siwo kpe de wo ŋuti.

Luka 24:33

Eye wotsi tre le gaƒoƒo ma ke dzi, eye wogbugbɔ yi Yerusalem, eye wokpɔ ame wuiɖekɛawo kple amesiwo kpe ɖe wo ŋuti la, ƒo ƒu ɖi,

Luka 24:53

eye wonɔa mawuxɔ la me ɖaa henɔa Mawu kafum.

Luka 8:20

Eye wogblɔ nɛ bena: Dawò kple nɔviwòwo le tsitre le xexe le didim be, yewoakpɔ wò.

Dɔwɔwɔwo 2:1

Eye esi Pentekoste-ŋkeke la ɖo la, wo katã wotsɔ tame ɖeka nɔ afi ɖeka.

Dɔwɔwɔwo 2:42

Eye wonɔ apostolowo ƒe nufiafia kple habɔbɔ, abolokaka kple gbedodoɖa me.

Dɔwɔwɔwo 2:46

Eye gbesiagbe wonɔa gbedoxɔ me kple tame ɖeka, eye wole abolo kam le aƒe sia aƒe me, eye woɖua nu kple dzidzɔ kpakple dzimekɔkɔ

Dɔwɔwɔwo 6:4

Ke miawo la miana gbedodoɖa kple nya la ƒe subɔsubɔ dzi.

Romatɔwo 12:12

Dzi nedzo mi le mɔkpɔkpɔ me, mido dzi le xaxa me, minɔ gbedodoɖa dzi ɖaasi!

1 Korintotɔwo 14:13

Eyata amesi tsoa gbegbɔgblɔ ƒoa nu la, nado gbe da, bene woade gɔme hã.

Efesotɔwo 6:18

Mitsɔ gbedodoɖa kple kukuɖeɖewo katã do gbe ɖa le ɣeawokatãɣi me le Gbɔgbɔ me, eye eyaŋuti minɔ ŋudzɔ, ne mianɔ kukuɖeɖewo dzi ɖaahe ɖe ame kɔkɔewo katã ta

Kolosetɔwo 4:2

Minɔ gbedodoɖa dzi ɖaa, eye minɔ ŋudzɔ le eme kple akpedada,